الماتىنىڭ ورتالىعىندا وق-دارىلەر سالىنعان ريۋكزاك تابىلدى

الماتى. قازاقپارات- الماتى قالاسىنىڭ المالى اۋدانىندا ورنالاسقان ساۋدا بۋتيگىندە وق-دارىلەر سالىنعان ريۋكزاك تابىلدى، دەپ حابارلايدى قازاقپارات ءتىلشىسى.

پوليتسيا دەپارتامەنتىندە حابارلاعانداي، بۋتيككە جۇمىسقا كەلگەن قۇرىلىسشىلار باسپالداق استىنان جاسىل ريۋكزاك تاۋىپ العان.

«اتالعان ءۇي-جايدىڭ ارتقى ەسىگى بار. جوندەۋ جۇمىستارى كەزىندە ول اشىلدى، مۇندا كوشەدەن ەركىن كىرۋگە بولادى. ريۋكزاك زاتتارعا تولى بولدى دەسە بولادى. پوليتسەيلەر ۆينتوۆكالار مەن تەگىس ۇڭعىلى قارۋلارعا ارنالعان ءارتۇرلى كاليبرلى بىرنەشە ونداعان پاترونداردى تاركىلەدى.

سونداي-اق، مۇندا جوعارى قاباتتا حوستەل ورنالاسقان. وسىندا كەلگەن قوناقتاردىڭ ءبىرى ريۋكزاكتاردى ارنايى جاسىرعان دەپ بولجاۋعا بولادى. بۇل وق-دارىلەر تابىلعاننان كەيىن باستالعان تەرگەۋ بارىسىندا انىق بەلگىلى بولادى»، - دەدى پوليتسيا دەپارتامەنتىندە.