20:04, 14 - اقپان 2022 | GMT +5
بەيجىڭ وليمپياداسىندا جارىستان كەيىن ەسىنەن تانىپ قالعان بياتلونشى كارەراسىن اياقتادى
نۇر-سۇلتان. قازاقپارات - وليمپيادادا بياتلوننان ءىز قۋالاۋ جارىسىنان كەيىن ەسىنەن تانىپ قالعان نورۆەگيالىق ينگريد تاندريەۆولد كارەراسىن اياقتادى، دەپ حابارلايدى «ر- سپورت».
سپورتشى دارىگەرلەر دەنساۋلىعىنا بايلانىستى جارىسقا قاتىسۋعا تيىم سالعانىن ايتتى.
ەسكە سالايىق، پاسيۋت جارىسىنان كەيىن تاندريەۆولد ەسىنەن تانىپ، قۇلاپ قالدى. سودان سوڭ ونى دارىگەرلەر زەمبىلمەن الىپ كەتتى.
ول سوڭعى ايتۋ ايلاعىنان كەيىن ءۇشىنشى كەلە جاتىر ەدى. ءبىراق 14 بولىپ اياقتادى. ال بۇل جارىستا ونىڭ وتانداسى مارتە ولسبيۋ-رويسەلانن توپ جاردى.
ايتا كەتەيىك، وتكەن جىلدىڭ قاڭتار ايىندا الەم كۋبوگى كەزەڭىندە دە تاندريەۆولد سپرينتەرلىك جارىستى اياقتاي الماعان بولاتىن.
