عالىمدار: ادام ءجۇرۋ كەزىندە جاقسىراق ويلانادى
زەرتتەۋ بويىنشا، مي ءجۇرۋ كەزىندەگى دەنە قوزعالىسىن باسقارۋمەن قاتار كۇردەلى زياتكەرلىك تاپسىرمانى ورىنداسا، ەكى مىندەت تە ولاردى بولەك ورىنداعاننان گورى جاقسى شەشىلەدى.
عالىمدار تاجىريبەلەر توپتاماسىن 22 ساۋ جاس ادامداردىڭ قاتىسۋىمەن جۇرگىزەدى. قاتىسۋشالار «جارىس جولى» جاتتىقتىرعىشىندا ءجۇرىپ نەمەسە جاي ءبىر جەردە وتىرىپ، بىرىنەن ەكىنشىسىنە اۋىسا وتىرىپ، زياتكەرلىككە ارنالعان قيىن تاپسىرمالاردى ورىنداۋى قاجەت بولدى.
زاماناۋي باقىلاۋ ادىستەرىن قولدانا وتىرىپ، زەرتتەۋشىلەر قاتىسۋشىلاردىڭ مي بەلسەندىلىگىن جانە دەنە قوزعالىسىن باقىلاعان. قاتىسۋشىلار ءجۇرۋ كەزىندە تاپسىرمالاردى وتىرعان كۇيدەگىگە قاراعاندا الدەقايدا جاقسى شەشكەن. وعان قوسا، تاپسىرما قانشالىقتى قيىن بولسا، ناتيجە ايىرماشىلىعى سونشالىقتى ۇلكەن بولعان.
سونىمەن قاتار، زياتكەرلىك جۇكتەمەنىڭ بولۋى ءجۇرۋ پروتسەسىنىڭ تيىمدىلىگىن دە ارتتىرعان. قاتىسۋشىلاردىڭ ميى كوگنيتيۆتى تاپسىرمالاردى شەشۋمەن بوساماعان كەزدە ولاردىڭ قوزعالىستارى تەك جۇرۋگە باعىتتالعان كۇيگە قاراعاندا الدەقايدا ءدال ءارى سەنىمدى بولعان.
زەرتتەۋشىلەر بۇل فەنومەن ساۋ ميدىڭ يكەمدىلىگىن كورسەتەتىنىن ايتادى. ياعني، قوسىمشا كۇش ميعا تەك پايداسىن تيگىزەدى. سوندىقتان قانداي دا ءبىر پروبلەمانى شەشۋ نە ويلاۋ كەرەك بولسا، ادامداردىڭ دالاعا جۇرۋگە شىعۋى نەمەسە بولمەنىڭ ىشىندە بىلاي دا بىلاي ءجۇرۋى وسى ءۇشىن بولۋى مۇمكىن.
massaget.kz
