رەسپۋبليكالىق جولداردا كولىك قوزعالىسىنا شەكتەۋلەر ەنگىزىلدى

نۇر- سۇلتان. قازاقپارات - اۋا رايىنىڭ بۇزىلۋىنا بايلانىستى ءبىرقاتار جولداردا كولىك قوزعالىسىنا ۋاقىتشا شەكتەۋلەر ەنگىزىلدى، دەپ حابارلايدى ق ر ي ي د م باسپا ءسوز قىزمەتى.

ەلىمىزدىڭ سولتۇستىك وڭىرىندە - اقمولا وبلىسىندا «ەكاتەرينبۋرگ - الماتى» اۆتوجولىنىڭ 997-856 شاقىرىمى، ياعني اتباسار قالاسىنان اقمولا وبلىسى شەكاراسىنا دەيىنگى ۋچاسكە جانە «جاقسى- ەسىل- بۇزىلىق» جولىنىڭ 0-63 شاقىرىمى - جاقسى كەنتىنەن ەسىل كەنتىنە دەيىنگى ۋچاسكەدە شەكتەۋلەر ەنگىزىلدى.

جالپى بۇل كۇندەرى ەلىمىزدىڭ باسىم بولىگىندە بوران، كوكتايعاق بولىپ، قار جاۋادى. وسىعان بايلانىستى جۇرگىزۋشىلەردەن جولداردا وتە اباي بولۋدى سۇرايمىز. وسى ورايدا قىس مەزگىلى باستالعالى 332 رەت جولداردا شەكتەۋلەر ەنگىزىلىپ، ولاردى تازارتۋعا 1087 قىسقى ارنايى تەحنيكا جۇمىلدىرىلعانىن ايتا كەتۋ كەرەك.

جەلتوقسان ايىنىڭ باسىنان بەرى جول ماماندارىنىڭ كۇشىمەن 267-دەن استام كولىككە كومەك كورسەتىلدى. 82 كولىك جىلى بوكستارعا، 600-دەن استام ادام «قازاقاۆتودور» مەكەمەسىنىڭ جىلىتۋ پۋنكتتەرىنە ورنالاستىرىلدى. رەسپۋبليكا بويىنشا مۇنداي 133 پۋنكتى بار. كۇن سۋىتقالى اتالعان مەكەمەنىڭ 1403 ءنومىرلى بايلانىس ورتالىعىنا ءتۇرلى سۇراقتارمەن جۇگىنگەندەر سانى 18750-دەن استى.