ەرالى توعجانوۆ «امانات» تاۋەلسىز كوميسسياسىنىڭ وكىلدەرىمەن كەزدەستى
كەزدەسۋ كەزىندە قۇقىق قورعاۋشىلار كوميسسيا قىزمەتىنىڭ باعىتتارى تۋرالى اڭگىمە قوزعادى. «امانات» كوميسسياسىنىڭ وكىلدەرى قاڭتاردا بولعان وقيعالاردى تەرگەۋدىڭ وبەكتيۆتىلىگى مەن اشىقتىعىن قامتاماسىز ەتۋدىڭ ماڭىزدىلىعىن اتاپ ءوتىپ، مەملەكەتتىك ورگانداردىڭ جۇمىسىن ۇيىمداستىرۋ بويىنشا ءبىرقاتار ۇسىنىس ءبىلدىردى. ۆيتسە- پرەمەر مەملەكەتتىك ورگاندارعا قوعامدىق كوميسسيانىڭ ءاربىر ۇسىنىسىن مۇقيات پىسىقتاپ، ماسەلەلەردى زاڭنامادا بەلگىلەنگەن تارتىپپەن شەشۋدى، سونداي- اق كوميسسيا قىزمەتىنە قاجەتتى كومەكتى كورسەتۋدى تاپسىردى.
ايتا كەتەيىك، «امانات» قوعامدىق كوميسسياسى 2022 -جىلى قاڭتاردا بولعان وقيعالارعا بايلانىستى نەگىزسىز قۋدالانعان ازاماتتاردىڭ قۇقىقتارى مەن بوستاندىقتارىن قورعاۋ ءۇشىن قۇرىلدى. نەگىزگى ماقساتى: بەيبىت نارازىلىقتارعا قاتىسقانى ءۇشىن تەرگەۋدە بولعان، ءبىراق قىلمىستىق نيەتى بولماعان، سونداي- اق قىلمىستارعا قاتىسى جوق ادامداردى قىلمىستىق قۋدالاۋدان بوساتۋ. كوميسسيا قۇرامى سەگىز ادامنان تۇرادى، ونىڭ ىشىندە ءتورت كاسىبي زاڭگەر، ءبىر ءماجىلىس دەپۋتاتى، ۇلتتىق قوعامدىق سەنىم كەڭەسىنىڭ ءبىر مۇشەسى بار جانە باس پروكۋراتۋرا مەن ىشكى ىستەر مينيسترلىگىنەن ءبىر وكىلدەن قوسىلدى.
