ۇلتتىق ەكونوميكا مينيسترلىگى حالىقتىڭ تابىسىن ارتتىرۋ باعدارلاماسىن ازىرلەۋدە
بۇل تۋرالى اتالعان ۆەدومستۆونىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
بۇگىن پرەمەر- ءمينيستردىڭ ورىنباسارى - سىرتقى ىستەر ءمينيسترى مۇحتار تىلەۋبەردىنىڭ شەت مەملەكەتتەردىڭ قازاقستانداعى ەلشىلەرىمەن كەزدەسۋى بارىسىندا ۇلتتىق ەكونوميكا ءبىرىنشى ۆيتسە- ءمينيسترى تيمۋر جاقسىلىقوۆ قازاقستانداعى قاڭتارداعى قايعىلى وقيعا اياسىنداعى ەكونوميكالىق جاعداي مەن ەلىمىزدەگى سوڭعى ەكونوميكالىق باستامالار تۋرالى باياندادى.
«وتكەن جىلى ەكونوميكالىق ءوسۋ سەرپىندى تراەكتورياعا شىقتى. باستاپقى % 3,1 بولجامنان اسىپ تۇسكەن ناقتى ءى ج ءو % 4»، - دەدى ت. جاقسىلىقوۆ.
قازىرگى ۋاقىتتا ۇلتتىق ەكونوميكا مينيسترلىگى پرەزيدەنتتىڭ باستامالارىن ىسكە اسىرۋ جونىندەگى ۇكىمەتتىڭ 2022 -جىلعا ارنالعان ءىس- قيمىل باعدارلاماسىن ازىرلەۋ بويىنشا بەلسەندى جۇمىس جۇرگىزۋدە. قۇجاتتا ۇكىمەتتىڭ ينكليۋزيۆتىك ەكونوميكالىق ءوسۋدى ىنتالاندىرۋ، ماكروەكونوميكالىق تۇراقتىلىقتى قامتاماسىز ەتۋ، كاسىپكەرلىكتى دامىتۋ جۇمىسى ناقتىلانادى.
ونىڭ ايتۋىنشا، ق ر ۇ ە م حالىقتىڭ تابىسىن ارتتىرۋ باعدارلاماسىن ازىرلەۋدە. وسى رەتتە كەدەيشىلىك پەن جۇمىسسىزدىق بويىنشا ناقتى جاعدايدى تالداۋ نەگىزىندە جۇيەلى ءىس- شارالار جوسپارلانعان. بۇدان باسقا، پرەزيدەنت تاپسىرماسىنا سايكەس، مينيسترلىك كۆازيمەملەكەتتىك سالا سۋبەكتىلەرىن تۇبەگەيلى رەفورمالاۋ ۇسىنىستارىن ازىرلەۋدە. ت. جاقسىلىقوۆ اتاپ وتكەندەي، ۇلتتىق ەكونوميكا مينيسترلىگى ەلىمىزدەگى الەۋمەتتىك- ەكونوميكالىق جاعدايدى تۇراقتاندىرۋدىڭ جەدەل ءىس- شارالار جوسپارىن قابىلداعان. ول ازاماتتار مەن كاسىپكەرلەردىڭ قاۋىپسىزدىگىن، ولاردى جان- جاقتى قولداۋدى، سونداي- اق الەۋمەتتىك- ەكونوميكالىق جاعدايدى تەزىرەك ورنىقتىرۋدى كوزدەيتىن ءبىرقاتار شۇعىل جانە قىسقا مەرزىمدىك شارالاردان تۇرادى.
«بۇل جوسپار مەملەكەتتىك ورگانداردىڭ تاياۋ ايلارداعى ءتيىستى تاپسىرمالاردى ورىنداۋىن ۇيلەستىرمەك. ونى ىسكە اسىرۋ ارقىلى ەلدەگى ەكونوميكالىق جاعدايدى جەدەل قالىپقا كەلتىرىپ، قالىپتى جاعدايعا ورالامىز»، - دەدى ءبىرىنشى ۆيتسە- مينيستر.
«قاڭتارداعى قايعىلى وقيعالار جىلدىق ەكونوميكالىق وسۋگە ايتارلىقتاي اسەر ەتپەيدى. ويتكەنى ەكونوميكالىق بەلسەندىلىك ۋاقىتشا جانە تەك جەكەلەگەن وڭىردە عانا بۇزىلدى. زارداپ شەككەندەرگە، ونىڭ ىشىندە شاعىن جانە ورتا بيزنەسكە، جەكە كاسىپكەرلەرگە ءارى حالىققا قاجەتتى كومەك كورسەتىلىپ جاتىر»، - دەدى تيمۋر جاقسىلىقوۆ.
اۆتور: رۋسلان عابباسوۆ
