زاڭسىز ماينەرلەردى تىيساق. رەسەيدەن ەلەكتر يمپورتتاماس ەدىك - مينيستر

نۇر-سۇلتان. قازاقپارات - ق ر ەنەرگەتيكا ءمينيسترى بولات اقشولاقوۆ زاڭسىز ماينەرلەردىڭ ەلدەگى ەنەرگەتيكا تەڭگەرىمىنە قالاي كەرى اسەر ەتىپ وتىرعانىن ايتتى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە وتكەن بريفينگىدە ب ا ق وكىلدەرى ۆەدومستۆو باسشىسىنا رەسەيدەن ەلەكتر يمپورتتاۋ قاشانعا دەيىن جالعاساتىنىن سۇرادى.

«بىزدە جالپى جىلىنا 14 ميلليون ك ۆ ت/ساع ەنەرگەتيكا تۇتىنىلادى. ونىڭ كوبىن ءوزىمىز وندىرەمىز. ءبىراق تاپشىلىق بولعان كەزدە رەسەي فەدەراتسياسىنان قوسىمشا ەنەرگيا الامىز. جالپى قازىرگى ۋاقىتتا تاڭعى جانە كەشكى ۋاقىتتاردا تۇتىنشۋلىاردىڭ كولەمى وسەدى. سول سەبەپتى وسى ۋاقىتتا 600-700 م ۆ ت- قا دەيىن رەسەي فەدەراتسياسىنان قۋات الامىز»، - دەدى مينيستر.

ونىڭ ايتۋىنشا، ەنەرگەتيكا مينيسترلىگى ۇسىنىپ وتىرعان جوسپار ىسكە اسسا، رەسەيدەن ەلەكتر قۋاتىن يمپورتتاۋ 2026 -جىلعا قاراي توقتاۋى مۇمكىن.

«ەگەر زاڭسىز قوسىلعان ماينەرلەردى الىپ تاستاساق، اسىرەسە، رەسەيدەن ەلەكتر قۋاتىن الماۋعا دا بولاتىن ەدى نەگىزى. ءقازىر ءبىز سول باعىتتا جۇمىس ىستەپ جاتىرمىز. ارينە، ەلەكتر گەنەراتسياسىن دامىتساق، جوسپار بويىنشا 2026 -جىلعا دەيىن قوسىمشا ستانتسيانى ىسكە قوسساق، بىزگە ەشقانداي يمپورتتىڭ، اسىرەسە رەسەي فەدەراتسياسىنان الۋدىڭ ەشقانداي قاجەتى بولمايدى»، - دەدى بولات اقشولاقوۆ.

اۆتور: ەسىمجان ناقتىباي