12:10, 14 - اقپان 2022 | GMT +5
ايەل ادام ۇرمەلى ماتراسپەن كولدە ەكى كۇن جۇزگەن
نۇر -سۇلتان. قازاقپارات – ا ق ش-تىڭ وكلاحوما شتاتىنداعى تەكسوما كولىندە ايەل ادام ۇرمەلى ماتراسپەن ەكى كۇن بويى ءجۇزىپ جۇرگەن.
ول كەزدەيسوق امان قالعان، - دەپ حابارلايدى NBC News.
باسىلىم مالىمەتىنشە، اتى اتالماعان امەريكالىق ايەلدى پويىز ماشينيستى كورىپ قالعان. ەكيپاج پويىزدى توقتاتىپ ديسپەتچەرگە حابارلاسىپ، جەدەل قۇتقارۋ توبىن جىبەرۋدى وتىنگەن.
BNSF Railway تەمىرجول كومپانياسىنىڭ وكىلى لەنا كەنتتىڭ ايتۋىنشا، ايەل ادام - 15 گرادۋستا ەكى كۇن بويى جۇزگەن، سول سەبەپتى ونىڭ امان قالۋى تاڭعاجايىپ وقيعا بولعان. كۋاگەرلەردىڭ ايتۋىنشا، ايەلدى تاپقان كەزدە ونىڭ جاعدايى اۋىر بولعان - ول قاتتى سۋىقتاپ قالعان جانە ەكى قولى دا جارالانعان.
ايەل ادام ءبىر ەر اداممەن ءبىر قايىقتان ەكىنشىسىنە وتىرۋ ءۇشىن ۇرمەلى ماتراسقا وتىرىپ مىنبەك بولعان كەزدە، اعىس الىپ كەتكەن. ايتا كەتەيىك، تەكسوما كولى ا ق ش- تاعى ءىرى كولدەردىڭ ءبىرى.
