پوليتسيا الماتىدا جول بويىندا ناماز وقىعان ازاماتتىڭ ارەكەتىنە قاتىستى پىكىر ءبىلدىردى

الماتى. قازاقپارات - الماتىدا جول بويىندا كولىگىن قويىپ، ناماز وقىعان ەر ادامنىڭ ۆيدەوسى الەۋمەتتىك جەلىگە شىقتى.

الماتى قالالىق پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ اتالعان ۆيدەونىڭ استىنا پىكىرىن جازدى، دەپ حابارلايدى قازاقپارات ءتىلشىسى.

«عيبادات - جاقسى عوي، ءبىراق، بۇل اركىمنىڭ جەكە ءىسى جانە ءبىزدىڭ دىنىمىزدە باسقالارعا كەدەرگى كەلتىرمەۋ دە وتە ماڭىزدى. عيبادات جاساعان كەزدە دە باسقالارعا كەدەرگى مەن قولايسىزدىقتار كەلتىرمەۋ كەرەك. بارىنە بەيبىتشىلىك پەن ىزگىلىك تىلەيمىن»، - دەپ جازدى رۋستام ابدراحمانوۆ.

ايتا كەتەيىك، جول بويىندا ناماز وقىعان ادامنىڭ جول ەرەجەسىن بۇزعانى ءۇشىن حاتتاما تولتىرىلا ما، جوق پا ازىرگە بەلگىسىز.