10:20, 14 - اقپان 2022 | GMT +5
زەينەتاقىنى ەۋرازيالىق وداقتىڭ بارلىق ەلىندە الۋعا بولادى
نۇر-سۇلتان.قازاقپارات - ەندى زەينەتاقىنى ەۋرازيالىق ەكونوميكالىق وداقتىڭ بارلىق ەلىندە الۋعا بولادى.
بۇل ەرەجە قازاقستانمەن قاتار، رەسەي، بەلارۋس، قىرعىزستان جانە ارمەنيا تۇرعىندارىنا ورتاق. جاڭا قۇجاتتىڭ ءتارتىبى دە قاراپايىم. بار بولعانى ەلەكتروندى ءوتىنىش تالاپ ەتىلەدى. مامانداردىڭ پايىمىنشا، وسى ارقىلى ەكى ارادا جۇمىس ىستەپ جۇرگەندەرگە زەينەتاقى تاعايىنداۋ مەن تولەۋ، سونداي- اق قارجىنى ءبىر مەملەكەتتەن ەكىنشى مەملەكەتكە اۋدارۋ جەڭىلدەيدى.
ايتا كەتەيىك، بۇعان دەيىن «بەستىك» وكىلدەرى نەسيە مالىمەتتەرىن بىرىكتىرۋ جونىندە ۇسىنىستى ماقۇلداعان بولاتىن. ول بويىنشا ازاماتتارعا وداققا كىرەتىن وزگە مەملەكەتتە دە كرەديت راسىمدەۋ مۇمكىندىگى بەرىلدى.
www.24.kz
