يتاليادا ءالپى تاۋلارىنان باستاۋ الاتىن وزەن سۋى تارتىلىپ قالدى

نۇر-سۇلتان.قازاقپارات -يتاليانىڭ پەمونت ايماعىندا بىرنەشە اپتا بويى قار مەن جاڭبىر جاۋماي، ەلدەگى ەڭ ءىرى پو وزەنىنە اسەر ەتكەن. قۇرعاقشىلىقتان تۋرين قالاسى وڭىرىندەگى وزەننىڭ سۋى تارتىلىپ، ءتۇبى كورىنگەن.

ماماندار جاڭبىرسىز اۋا رايى جالعاسا بەرسە، اۋىل شارۋاشىلىعى كوپ شىعىنعا باتىپ، ورمان ورتتەرى جيىلەۋى مۇمكىن دەيدى. ايتا كەتەيىك، ۇزىندىعى 652 شاقىرىم بولاتىن پو وزەنى باستاۋىن ءالپى تاۋلارىنان الادى.

اندجەلو روبەرتو، قورشاعان ورتانى قورعاۋ اگەنتتىگىنىڭ ديرەكتورى:

- قۇرعاقشىلىققا تاپ بولعالى 50 كۇنگە جۋىقتادى. قازىر پو وزەنى اعىسىنىڭ قارقىنى تومەندەپ، سەكۋندىنا 160 تەكشە مەترگە جەتكەن. بۇل تىم از. ادەتتە ونىڭ قارقىنى ورتاشا ەسەپپەن 360 تەكشە مەتر بولاتىن. ءتىپتى تاۋلاردا دا ونىڭ اعىسى تومەندەگەن. جاعداي جاڭبىر جاۋسا عانا تۇزەلۋى مۇمكىن.

www.24.kz