بۇرىنعى الەم چەمپيونى گولوۆكينمەن جەكپە- جەك وتكىزگىسى كەلەدى

نۇر- سۇلتان. قازاقپارات - ورتا سالماقتاعى بۇرىنعى الەم چەمپيونى بريتانيالىق كىشى كريس يۋبەنك قازاقستاندىق بوكسشى گەننادي گولوۆكيندى برايتونداعى (انگليا) ايقاسقا شاقىرماق، دەپ حابارلايدى قازاقپارات Sports.kz سايتىنا سىلتەمە جاساپ.

«گولوۆكيندى نەمەسە باسقا بىرەۋدى Amex ارەناسىنا تارتۋ - ۋاقىتشا قيال ەمەس. بۇل - تەڭىز جاعاسىندا ورنالاسقان، تۋريستەرگە تارتىمدى قالاداعى پرەمەر- ليگانىڭ فۋتبول كلۋبتارىنىڭ كەرەمەت جاڭا ستاديونى. كوپ بوكسشىلار ءوز ۇيىندە ونەر كورسەتتى، مەنىڭ دە وسىعان لايىق ەكەنىمە سەنىمدىمىن»، - دەدى يۋبەنك.

ەسكە سالا كەتەيىك، گولوۆكين ورتا سالماقتاعى ديۆيزيوندا دا ونەر كورسەتەدى.

كىشى يۋبەنك قازاقستاندىقتى ءوزىنىڭ سوڭعى سۇحباتتارىندا بىرنەشە رەت شاقىرعان، الايدا GGG وعان اسا ءمان بەرمەي، بوكسشىنىڭ ارەكەتىن «ارزان كورىنەدى» دەگەن.