14:14, 13 - اقپان 2022 | GMT +5
الماتى وبلىسىنداعى پوليتسيا عيماراتى ورتەندى
الماتى وبلىسى. قازاقپارات - تالعار اۋدانى پوليتسياسىنىڭ اكىمشىلىك عيماراتى كابينەتتەرىنىڭ بىرىندە ءورت بولدى، دەپ حابارلايدى قازاقپارات ءتىلشىسى.
ۆيدەو الەۋمەتتىك جەلىدە تارادى. الماتى وبلىسىنىڭ پوليتسيا دەپارتامەنتى ءورتتىڭ 12- اقپان كۇنى شامامەن ساعات 14:55 تە تۇتانعانىن حابارلادى.
«جەرگىلىكتى ءورت ءسوندىرۋ قىزمەتى دەرەۋ وقيعا ورنىنا جەتىپ، ءورتتى 25 مينۋت ىشىندە ءسوندىردى. قۇرباندار مەن زارداپ شەككەندەر جوق. ءورتتىڭ ءارى قاراي تارالۋى جول بەرىلگەن جوق. قىزمەتتىك قۇجاتتار بۇلىنبەدى»، - دەدى الماتى وبلىسىنىڭ پوليتسيا دەپارتامەنتىنىڭ باسپا ءسوز قىزمەتىنەن.
الدىن الا بولجام بويىنشا، ءورت ەلەكتر سىمدارىنىڭ قىسقا تۇيىقتالۋىنان بولعان. ونىڭ سالدارى انىقتالىپ جاتىر.
