سۋ سپورتىنان الەم چەمپيوناتى قايدا وتەدى

نۇر-سۇلتان. قازاقپارات - سۋ سپورتى تۇرلەرىنەن الەم چەمپيوناتى وتەتىن جاڭا قالا بەلگىلى بولدى، دەپ حابارلايدى قازاقپارات ءتىلشىسى.

ايتا كەتەيىك، وسىعان دەيىن اتالعان سپورت تۇرىنەن الەم چەمپيوناتى جاپونيانىڭ فۋكۋوكا قالاسىندا 13-29- مامىر ارالىعىندا ءوتۋى ءتيىس بولاتىن. الايدا، كوروناۆيرۋست ينفەكسياسىنا بايلانىستى تۋرنير 2023-جىلدىڭ شىلدەسىنە اۋىستىرىلعان ەدى.

الايدا، حالىقارالىق سۋ سپورتى تۇرلەرى فەدەراتسياسى الەمدىك دودانى فۋكۋوكادان بۋداپەشتكە اۋىستىرۋ تۋراشى شەشىم قابىلدادى.

وسىلايشا سۋ سپورتى تۇرلەرىنەن الەم چەمپيوناتى بۋداپەشتتە وتەتىن بولدى.

ايتا كەتەلىك، ۆەنگريا استاناسىندا 2017-جىلعى الەمدىك دودا وتكەن بولاتىن.

سۋ سپورتى تۇرلەرىنەن الەم چەمپيوناتىندا 1978-جىلدان 1998-جىلعا دەيىن ءتورت جىلدا ءبىر رەت وتكىزىلەتىن. كەيىن، ياعني 2001-جىلدان بەرى قاراي الەمدىك بىرىنشىلىگى ەكى جىلدا ءبىر رەت ءوتىپ تۇرادى.

اۆتور: كۇنسۇلتان وتارباي