قازاقستاندىق ارتىستەر بەرليننىڭ باس ساحناسىندا ونەر كورسەتەدى
بۇل تۋرالى قازاقپارات Qazaqconcert-كە سىلتەمە جاساپ حابارلايدى.
شەتەلدىك كورەرمەندەر قازاقستاندىق مۋزىكانتتاردىڭ ورىنداۋىندا سكريپكا، ۆيولونچەل جانە وركەسترمەن فورتەپيانوعا ارنالعان بەتحوۆەننىڭ كونسەرتىن تىڭداي الادى.
بۇل حالىقارالىق دەڭگەيدەگى كونسەرتتىڭ باستى ەرەكشەلىگى - وتاندىق ارتىستەر الەمدىك كلاسسيكالىق مۋزىكانىڭ برەندىنە اينالعان بەرلين سيمفونيالىق وركەسترىمەن بىرلەسىپ ونەر كورسەتەدى.
73 جىل بۇرىن قۇرىلعان ايگىلى وركەسترمەن بىرلەسكەن كونسەرت وتكىزۋ - ءاربىر كاسىبي مۋزىكالىق ۇجىم ءۇشىن ۇلكەن مارتەبە.
«FORTE TRIO» - بەلگىلى پيانيست، قازاقستاننىڭ ەڭبەك سىڭىرگەن قايراتكەرى تيمۋر ۋرمانچەيەۆتىڭ باستاماسىمەن قۇرىلعان ەرەكشە انسامبل. بۇدان بۇرىن فورتەپيانو، سكريپكا مەن ۆيولونچەل اسپاپتارى ۇيلەسىم تاپقان مۋزىكالىق ۇجىمدار ەلىمىزدە بولماعان. جوعارى كاسىبي شەبەرلىگىنىڭ ارقاسىندا «FORTE TRIO» قازاقستان مادەنيەتىن حالىقارالىق دەڭگەيدە ناسيحاتتايتىن ۇزدىك كامەرالىق انسامبلگە اينالدى.
پاريج، ريم جانە بەرلين سىندى الەمدىك مادەنيەت ورتالىقتارىمەن قاتار تريونىڭ گاسترولدىك كارتاسىندا انتيگۋا مەن باربۋدا سياقتى ەكزوتيكالىق مەملەكەت بار. وتكەن جىلدىڭ جەلتوقسان ايىندا قازاقستان تاۋەلسىزدىگىنىڭ 30 جىلدىعىنا وراي تريو فرانسيانىڭ 4 ءىرى قالاسىندا كونسەرت وتكىزىپ، وسى ەلدىڭ 2021-جىلعى كونسەرتتىك ماۋسىمىن اياقتادى.
پاندەميالىق شەكتەۋلەر جاعدايىندا، سونداي-اق قاڭتارداعى وقيعالاردىڭ سالدارىنان الەمدىك قاۋىمداستىق ەلىمىزدى ساياسي كاتاكليزمدەر ارەناسى رەتىندە قابىلدانعان كەزەڭدە تريو ءوز ونەرلەرى ارقىلى ەۋرازيالىق كەڭىستىكتىڭ كوشباسشىسى بولىپ قازاقستان مادەنيەتىنىڭ جوعارى دارەجەسىن كورسەتۋگە ۇمتىلادى.
