رەسەي ا ە س سالۋعا نەگىزگى ۇمىتكەرلەردىڭ ءبىرى بولادى - ساراپشى
«پرەزيدەنتتىڭ رەسەيگە اپارعان مەموراندۋمدارى مەن كەلىسىمدەرىنە قاراپ-اق، جالپى وسى باعىتتار بويىنشا ىشكى ىنتىماقتاستىقتىڭ ماڭىزدى ەكەنى تۇسىنىكتى جانە بۇل جەردە، ەڭ الدىمەن، جۇرتشىلىقتى قىزىقتىراتىنى - يادرولىق ەنەرگەتيكا سالاسىندا كادر دايارلاۋ دەپ ويلايمىن. ياعني، بۇل قازىرگى الەمدەگى ەڭ سۇرانىسقا يە باعىتتاردىڭ ءبىرى ەكەنىن ءتۇسىنۋ كەرەك»، - دەدى ورازعالي سەلتەيەۆ اگەنتتىك تىلشىسىنە بەرگەن سۇحباتىندا.
ءوز سوزىندە سپيكەر فرانسيانىڭ التى جاڭا اتوم ستانساسىن سالۋدى جوسپارلاپ وتىرعانىن جانە بارلىق جەتەكشى مەملەكەتتەر بەيبىت اتومدى دامىتۋعا قارجى سالىپ جاتقانىن ايتتى.
«سوندىقتان، وسى تۇرعىدان العاندا يادرولىق ەنەرگەتيكا ماماندارىن دايارلاۋ جونىندەگى رەسەيلىك عىلىمي-ءبىلىم بەرۋ جۇيەسى نە دەگەنمەن الدىڭعى قاتارلى بولىپ سانالادى جانە وسى جۇيە بويىنشا وقىتىلاتىن ماماندار كەم دەگەندە تاعى 100 جىل الەمدىك دەڭگەيدە سۇرانىستا بولاتىنىن ءتۇسىنۋ كەرەك، سوندىقتان بۇل وتە ماڭىزدى. ەكىنشى ماسەلە - قازاقستاندا ا ە س سالۋمەن بايلانىستى. بۇل ماسەلە تالقىلانۋعا دا كەلمەيدى، ويتكەنى بۇگىندە بۇكىل ەل بويىنشا ەنەرگيا تاپشىلىعى پروبلەماسى بار جانە نەگىزگى شەشىمدەردىڭ ءبىرى - ا ە س سالۋ بولىپ وتىر. بۇل جەردە رەسەيدىڭ اتوم ستانتسياسىن سالۋعا نەگىزگى ۇمىتكەرلەردىڭ ءبىرى ەكەنىن تىكەلەي ايتۋ كەرەك. ءبىراق ازىرگە مۇنىڭ ءبارى ازىرلەۋ، مەموراندۋم جاساۋ، تالقىلاۋلار، كەلىسىمدەر ساتىسىندا، سودان كەيىن عانا جۇمىستاردىڭ قالاي جانە قاي باعىتتا داميتىنى انىق كورىنەدى»، - دەدى ورازعالي سەلتەيەۆ.
ايتا كەتەيىك، 10-11- اقپاندا ق ر پرەزيدەنتى قاسىم-جومارت توقايەۆ رەسەي فەدەراتسياسىندا جۇمىس ساپارىمەن بولدى.
ساپار اياسىندا مەملەكەت باسشىسى رەسەي فەدەراتسياسىنىڭ پرەزيدەنتى ۆلاديمير پۋتينمەن كەلىسسوز جۇرگىزدى. سونداي-اق، قاسىم-جومارت توقايەۆتىڭ رەسەيگە جۇمىس ساپارى اياسىندا ءبىرقاتار قۇجاتقا قول قويىلدى.
ەكىجاقتى كەلىسسوزدىڭ قورىتىندىسى بويىنشا قاسىم-جومارت توقايەۆ پەن ۆلاديمير پۋتين بۇقارالىق اقپارات قۇرالدارىنىڭ وكىلدەرى ءۇشىن بىرلەسكەن مالىمدەمە جاسادى.
