بوكسشى جانىبەك ءالىمحان ۇلى ا ق ش- تا جاتتىعۋىن باستادى

نۇر-سۇلتان. قازاقپارات - قازاقستاندىق بوكسشى جانىبەك ءالىمحان ۇلى (11-0، 7 ك و) ا ق ش- تا رينگكە ورالۋعا دايىندىقتى باستاپ كەتتى، دەپ حابارلايدى قازاقپارات Sports.kz سايتىنا سىلتەمە جاساپ.

سپورتشى كاليفورنيا شتاتىنداعى وكسناردتا دجەيمس «باددي» ماكگريتتىڭ اتاقتى باپكەرىنىڭ زالىندا جاتتىعۋدى باستادى.

ول ءوزىنىڭ الەۋمەتتىك جەلىلەرىنە باپكەرمەن تۇسكەن سۋرەتىن سالىپ، ونىڭ استىنا «كەڭسەدەمىن» دەگەن جازۋ قالدىرعان.

سونىمەن قاتار جانىبەك جاتتىعىپ جاتقان ۆيدەوسىن كورسەتتى.

بۇدان بۇرىن دۇنيەجۇزىلىك بوكس ۇيىمى (WBO) ءالىمحان ۇلىنىڭ برازيليالىق ەسكيۆا فالكاومەن (29-0، 20 ك و) ايقاساتىنى تۋرالى مالىمدەگەن.

بوكسشىلار ورتا سالماقتاعى WBO الەم چەمپيونىنىڭ «ۋاقىتشا» تيتۋلى ءۇشىن جەكپە-جەككە شىعادى. الايدا ايقاستىڭ ءدال قاشان بولاتىنى ازىرگە بەلگىسىز.