20:20, 12 - اقپان 2022 | GMT +5
تۇرىكمەنستاندا مەرزىمىنەن بۇرىن پرەزيدەنت سايلاۋى وتەدى
اشحاباد. قازاقپارات - تۇرىكمەنستاندا مەرزىمىنەن بۇرىن پرەزيدەنت سايلاۋى وتەدى، دەپ حابارلايدى قازاقپارات تۋركمەنستان سەگودنيا مەملەكەتتىك اگەنتتىگىنە سىلتەمە جاساپ.
«قابىلدانعان ءتيىستى قاۋلىعاعا سايكەس 2022 -جىلعى 12 - ناۋرىزدا تۇرىكمەنستان پرەزيدەنتىنىڭ مەرزىمىنەن بۇرىن سايلاۋى وتەدى»، - دەلىنگەن حابارلامادا.
ەسكە سالساق، كەشە تۇرىكمەنستان كوشباسشىسى گۋربانگۋلى بەردىمۇحامەدوۆ بيلىكتى جاستارعا بەرۋ تۋرالى ايتتى. تۇرىكمەنستان باسشىسى ەكى جىل بۇرىن پايعامبار جاسىنا جەتكەنىنە، بۇگىن ءوزى تۋرالى وڭاي بولماعان شەشىمدى تالقىلاعىسى كەلەتىنىنە توقتالدى.
«مەن ەلىمىزدىڭ قازىرگى دامۋ كەزەڭىندە مەملەكەتتى باسقارۋدى رۋحاني ورتادا جانە جاڭا زامان تالاپتارىنا ساي تاربيەلەنگەن جاس باسشىلارعا بەرۋ كەرەك دەگەن ويدى قولدايمىن. حالىق ءماسليحاتىنىڭ ءتوراعاسى رەتىندە ءوزىمنىڭ مول ومىرلىك جانە ساياسي تاجىريبەمدى وسى سالاعا باعىتتاۋعا نيەتتىمىن»، - دەدى پرەزيدەنت گۋربانگۋلى بەردىمۇحامەدوۆ.
