تۇرىكمەنستان پرەزيدەنتى بيلىكتى جاستارعا بەرۋ تۋرالى ايتتى

اشحاباد. قازاقپارات - تۇرىكمەنستاندا حالىق ءماسليحاتىنىڭ وتىرىسى ءوتىپ، وندا تۇرىكمەنستان كوشباسشىسى گۋربانگۋلى بەردىمۇحامەدوۆ ءسوز سويلەدى، دەپ حابارلايدى قازاقپارات تۇرىكمەنستاننىڭ مەملەكەتتىك اگەنتتىگىنە سىلتەمە جاساپ.

«سىزدەر بىلەسىزدەر، 15 جىل بۇرىن، 2007 -جىلى 17 - اقپاندا ەلىمىزدە تۇرىكمەنستان پرەزيدەنتىن سايلاۋ ءوتتى. ول كەزدە حالقىم مەنى جوعارى مەملەكەتتىك لاۋازىمعا لايىقتى كورىپ، ۇلكەن سەنىم ارتتى»، - دەدى تۇرىكمەنستان كوشباسشىسى.

ول ءوز سوزىندە، بۇل زور سەنىمدى 2012 جانە 2017 -جىلدارى وتكەن بۇكىلحالىقتىق سايلاۋدا جاقسى سەزىنگەنىن جەتكىزدى.

«ەندى مىنە 15 جىل بويى تۇرىكمەنستان پرەزيدەنتى لاۋازىمىندا قىزمەت ەتىپ كەلەمىن. ونىمەن بىرگە تۇرىكمەنستان مينيسترلەر كابينەتىنىڭ ءتوراعاسى، مەملەكەتتىك قاۋىپسىزدىك كەڭەسىنىڭ ءتوراعاسى، تۇرىكمەنستان قارۋلى كۇشتەرىنىڭ جوعارعى باس قولباسشىسى قىزمەتتەرىن قوسا اتقارۋدامىن»، - دەدى مەملەكەت باسشىسى.

تۇرىكمەنستان باسشىسى ەكى جىل بۇرىن پايعامبار جاسىنا جەتكەنىنە، بۇگىن ءوزى تۋرالى وڭاي بولماعان شەشىمدى تالقىلاعىسى كەلەتىنىنە توقتالدى.

«مەن ەلىمىزدىڭ قازىرگى دامۋ كەزەڭىندە مەملەكەتتى باسقارۋدى رۋحاني ورتادا جانە جاڭا زامان تالاپتارىنا ساي تاربيەلەنگەن جاس باسشىلارعا بەرۋ كەرەك دەگەن ويدى قولدايمىن. حالىق ءماسليحاتىنىڭ ءتوراعاسى رەتىندە ءوزىمنىڭ مول ومىرلىك جانە ساياسي تاجىريبەمدى وسى سالاعا باعىتتاۋعا نيەتتىمىن»، - دەدى پرەزيدەنت گۋربانگۋلى بەردىمۇحامەدوۆ.

اۆتور: ءبيبىحان سەرىكوۆا