قارۋلى كۇشتەردەگى ەڭ ۇزىن بويلى سارباز اقتاۋ گارنيزونىندا
قاتارداعى جاۋىنگەردىڭ بويى - 2 مەتر 3 سانتيمەتر.
«مەن 2021-جىلى كۇزگى شاقىرىلىممەن الماتى وبلىسىنان اقتاۋ قالاسىنا 25/744 اسكەري بولىمىنە وتان الدىنداعى بورىشتى وتەۋگە شاقىرىلدىم. قىزمەتىمدى اريتەللەريالىق دۆيزيوننىڭ كوزدەۋشى وپەراتورى لاۋازىمىندا اتقارۋدامىن»، - دەيدى ا. مۇحامەدوۆ جەرگىلىكتى تەلەارناعا بەرگەن سۇحباتىندا.
مىقتى دەنە ءبىتىمى مەن بويشاڭدىعى ساربازعا سپورتتىق نورماتيۆتەردى ورىنداۋ مەن قارۋدان وق اتۋ كەزىندە، جاۋىنگەرلىك دايارلىقتا دا ءوز سەپتىگىن تيگىزەدى.
بويشاڭ سارباز بالا كەزىنەن بوكسپەن شۇعىلدانادى. اسكەرگە دەيىن دە ول ءبىرقاتار جارىستاردىڭ جۇلدەدلەرىن قانجىعاسىنا بايلاعان. ازات ءۇشىن وزىنە شاق كەلەتىن كيىم تابۋ قيىن. ءبىراق اسكەري بولىمدە ءتيىستى فورمامەن تولىقتاي قامتاماسىز ەتىلگەن.
«اسكەري ءومىردىڭ قيىندىقتارىنا قاراعاندا قىزىقتى كەزدەرى كوپ ەكەنىنە كوزىم جەتىپ كەلەدى. سوندىقتان قازاقستاننىڭ ازاماتتارىن وتان الدىنداعى بورىشىن وتەۋگە شاقىرامىن»، - دەدى ا. مۇحامەدوۆ.
