وليمپيادادا ويىندارىندا قازاقستاندىق كونكيشى جۇلدەسىز قالدى

نۇر-سۇلتان. قازاقپارات - بۇگىن بەيجىڭدە ءوتىپ جاتقان وليمپيادادا ويىندارى اياسىندا كونكيمەن جۇگىرۋدەن ەرلەر اراسىنداعى 500 مەترگە جارىس ءوز مارەسىنە جەتتى، دەپ حابارلايدى قازاقپارات.

اتالعان قاشىقتىقتا قازاقستان نامىسىن جالعىز سپورتشى يۆان ارجاننيكوۆ قورعادى.

وكىنىشكە قاراي وتانداسىمىز ۇزدىكتەر قاتارىنا قوسىلا العان جوق. ول 500 مەتر قاشىقتىقتى 35:82 سەكۋندتا ءجۇرىپ ءوتىپ، 30 سپورتشىدان 28-ورىنعا يە بولدى.

اتالعان قاشىقتىقتى 34,32 سەكۋندتا جۇگىرىپ وتكەن قىتايلىق گاو تينيۋي التىن مەدال يەگەرى اتاندى. كۇمىس جۇلدەنى وڭتۇستىك كورەيالىق (34,39) چا مين كيۋ قانجىعاسىنا بايلاسا، ۇزدىك ۇشتىكتى جاپونيالىق ۆاتارۋ موريشي (34,49) ءوز ەنشىسىنە جازدى.

اۆتور: كۇنسۇلتان وتارباي