16:57, 12 - اقپان 2022 | GMT +5
قازاقستان مەن رەسەي ۆاكسينا پاسپورتتارىن ءوزارا تانۋ الگوريتمىن كەلىستى
نۇر-سۇلتان. قازاقپارات - قازاقستان مەن رەسەي فەدەراتسياسىنىڭ دەنساۋلىق ساقتاۋ مينيسترلىكتەرى ۆاكسيناتسيا پاسپورتتارىن ءوزارا تانۋ الگوريتمىن كەلىستى، دەپ حابارلايدى قازاقپارات.
بۇعان دەيىن ق ر دەنساۋلىق ساقتاۋ مينيسترلىگى رەسەيلىك ارىپتەستەرىمەن بىرلەسىپ ۆاكسيناتسيا تۋرالى قۇجاتتاردى تانۋ شارتتارى مەن ءتارتىبىن، اقپاراتتىق جۇيەلەردىڭ تەحنيكالىق مۇمكىندىكتەرى مەن جۇمىسىن قاراستىرعان بولاتىن.
قازىرگى ۋاقىتتا COVID-19-دان ۆاكسيناتسيالانعان جانە اۋىرىپ جازىلعان ادامدار تۋرالى مالىمەتتەر الماسۋ بولىگىندە اقپاراتتىق جۇيەلەردىڭ ينتەگراتسياسى ءجۇرىپ جاتىر.
وسى ماسەلە بويىنشا تاراپتار اراسىندا تۇبەگەيلى كەلىسپەۋشىلىكتەر جوق.
ەستەرىڭىزگە سالاتىن جايت، رەسەي فەدەراتسياسىمەن ۆاكسينالاۋ پاسپورتتارىن ءوزارا تانۋ قاجەتتىلىگى ماسەلەسى بىرنەشە رەت جوعارى دەڭگەيدە كوتەرىلىپ، ق ر دەنساۋلىق ساقتاۋ مينيسترلىگى ەكىجاقتى تارتىپتە، سونداي-اق ت م د، ە ا ە و الاڭدارىندا تالقىلاندى.
