داۋرەن ابايەۆ جاستاردى تەاتر مەن كىتاپحانالارعا كوپتەپ تارتۋدىڭ ءبىر جولىن ايتتى

الماتى. قازاقپارات - ق ر مادەنيەت جانە سپورت ءمينيسترى الماتى قالاسىنا جۇمىس ساپارى اياسىندا ۇلتتىق كىتاپحانا، اباي اتىنداعى قازاق ۇلتتىق وپەرا جانە بالەت تەاترىنا، قۇرمانعازى اتىنداعى قازاق ۇلتتىق حالىق اسپاپتار وركەسترىنە، ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاس وسپىرىمدەر تەاترىنا باردى، دەپ حابارلايدى قازاقپارات ءتىلشىسى.

اتالعان ۇيىمداردىڭ ۇجىمىمەن كەزدەسۋ بارىسىندا داۋرەن ابايەۆ مادەنيەت وشاقتارىن قۇر تانىسۋ ءۇشىن ارالاپ جۇرمەگەنىن ايتتى.

«اۋەلى ءبىز ۇيىمداردىڭ ءتۇيىندى ماسەلەلەرى مەن قىزمەتكەرلەردىڭ سۇرانىستارىن زەرتتەيمىز. ماسەلەلەردىڭ بارلىعى جۇيەلەندىرىپ، كەيىننەن ولاردى كەزەڭ- كەزەڭمەن شەشۋ جونىندەگى كەشەندى جوسپاردىڭ نەگىزىنە الىنادى. ءبىز بارلىق ماڭىزدى شارالاردى مەملەكەت باسشىسىمەن كەلىسىپ، سودان كەيىن ولاردى ىسكە اسىرۋعا كىرىسەمىز. بۇل تۇرعىدا سىزدەر تۇسىنىستىكپەن قاراپ، شىدامدىلىق تانىتىپ، قولدايتىندارىڭىزعا كۇمانىم جوق. وسىنىڭ ارقاسىندا كورەرمەندەرىمىز بەن وقىرماندارىمىزدى، ونىڭ ىشىندە اسىرەسە جاستاردى، تەاترلاردىڭ كورەرمەندەر زالىنا جانە كىتاپحانالاردىڭ وقۋ بولمەلەرىنە قايتاراتىنىمىزعا سەنىم ارتامىن»، - دەپ اتاپ ءوتتى مينيستر.