جاڭا ەرەجە بويىنشا الەۋمەتتىك باسپانا قالاي بەرىلەدى

قاراعاندى. قازاقپارات - قاراعاندى وبلىسى اكىمدىگىنىڭ وتىرىسىندا الەۋمەتتىك تۇرعىن ۇيمەن قامتاماسىز ەتۋدەگى جاڭا قاعيدات تۋرالى ايتىلدى. جالعا الۋعا باسا نازار اۋدارىلادى، دەپ حابارلايدى قازاقپارات ءتىلشىسى.

«ۇكىمەتتىڭ كەڭەيتىلگەن وتىرىسىندا پرەزيدەنت تۇرعىن ءۇيدى جالعا بەرۋدى قولداۋعا باسا نازار اۋدارىلاتىنىن ايتتى. ولار شەكتەۋلى مولشەردە سالىناتىن بولادى. ەڭ باستىسى - جالعا بەرۋگە باستى نازار اۋدارۋ قاجەت. بۇكىل الەمدە وسىلاي بولىپ جاتىر، سوندىقتان اكىمدىكتەر ءوز جۇمىسىن قايتا قۇرۋى ءتيىس»، - دەپ ءتۇسىندىردى جەڭىس قاسىمبەك.

مەملەكەت تابىسى تومەن كەزەكتە تۇرعاندارعا تۇرعىن ءۇيدى جالعا الۋدىڭ ءبىر بولىگىن وتەيدى.

پرەزيدەنتتىڭ تاپسىرماسى بويىنشا تۇرعىن ءۇي تولەمدەرى جونىندەگى باعدارلاما 2022-جىلدىڭ مامىر ايىندا ىسكە قوسىلۋى ءتيىس.

قۇرىلىس، ساۋلەت جانە قالا قۇرىلىسى باسقارماسىنىڭ باسشىسى ابزال جايلىبايەۆتىڭ ايتۋىنشا، تۇرعىن ءۇي قۇرىلىسىندا باسىمدىقتار بوس تۇرعان ۇيلەردى قالپىنا كەلتىرۋگە، جالعا بەرىلەتىن جانە نەسيەلىك تۇرعىن ءۇيدى ساتىپ الۋعا باعىتتالاتىن بولادى.

«وتكەن جىلى 500 پاتەر ساتىپ الىندى، ونىڭ 350 ءh باستاپقى نارىقتا. مۇندا مەردىگەرلىك ۇيىمدار تۇرعىن ءۇيدىڭ ساپاسىنا قىزىعۋشىلىق تانىتادى. ەگەر ساپاسى تومەن بولسا، اكىمدىك ساتىپ المايدى»، - دەيدى ابزال جايلىبايەۆ.

2021-جىلدىڭ قورىتىندىسىنا ساي قاراعاندى وبلىسىندا «نۇرلى جەر» مەملەكەتتىك باعدارلاماسى بويىنشا بارلىق قارجىلاندىرۋ كوزى ەسەبىنەن 662 مىڭ شارشى مەتر تۇرعىن ءۇي نەمەسە جەتى مىڭعا جۋىق پاتەر پايدالانۋعا بەرىلدى.

2022-جىلى 708,2 مىڭ شارشى مەتر نەمەسە 8 مىڭعا جۋىق پاتەر سالۋ جوسپارلانعان.