بەيجىڭ وليمپياداسىنان قانشا ەل جۇلدە الدى، قاي ەل كوش باستاپ تۇر

بەيجىڭ. قازاقپارات - قىتاي استاناسى بەيجىڭ قالاسىندا ءوتىپ جاتقان اق وليمپيادا ويىندارى بەل ورتاسىنا دا كەلىپ جەتتى، دەپ حابارلايدى قازاقپارات ءتىلشىسى.

بۇگىن بەيجىڭدەگى اق وليمپيا ويىندارىنىڭ جەتىنشى كۇنى دە ارتتا قالدى. مەدالعا تالاس كۇن ساناپ قىزا تۇسكەندەي. وزگە ەلدەر گەرمانيا قۇراما كومانداسىن قۋالاپ جەتە الماي كەلە جاتىر.

ولار ءۇش كۇننەن بەرى جالپى مەدال كەستەسىندە كوشباسشىلىقتان تۇسەر ەمەس. گەرمانيا قورجىنىن بۇگىن تاعى 1 التىن، 1 كۇمىسكە تولتىرىپ، مەدال سانىن 7 التىن، 4 كۇمىسكە جەتكىزدى.

ەكىنشى ورىندا كەلە جاتقان نورۆەگيالىقتاردىڭ ەنشىسىندە - 6 التىن، 3 كۇمىس، 5 قولا مەدال بار.

ال كەشە 5-ورىندا تۇرعان نيدەرلاند قۇراماسى بۇگىن 5 التىن، 4 كۇمىس، 1 قولا مەدالمەن ۇزدىك ۇشتىككە كوتەرىلدى.

مەدال كورسەتكىشىمەن ۇزدىك وندىقتا تۇرعان ەلدەر:

1. گەرمانيا - 7 التىن، 4 كۇمىس

2. نورۆەگيا - 6 التىن، 3 كۇمىس، 5 قولا

3. نيدەرلاندى - 5 التىن، 4 كۇمىس، 1 قولا

4. شۆەسيا - 5 التىن، 2 كۇمىس، 2 قولا

5. اۆستريا - 4 التىن، 6 كۇمىس، 4 قولا

6. ا ق ش - 4 التىن، 5 كۇمىس، 1 قولا

7. قىتاي - 3 التىن، 3 كۇمىس، 1 قولا

8. رەسەي - 2 التىن، 4 كۇمىس، 6 قولا

9. يتاليا - 2 التىن، 4 كۇمىس، 4 قولا

10. جاپونيا - 2 التىن، 2 كۇمىس، 4 قولا

ايتا كەتەيىك، ءدال بۇگىنگە دەيىن وليمپيادا مەدالىنە قول جەتكىزگەن ەلدەر قاتارى 26 عا جەتتى. ونىڭ ىشىندە 19 مەملەكەتتىڭ قورجىنىندا التىن مەدال بولسا، 22 مەملەكەتتە كۇمىس جۇلدە بار. سونداي-اق، ءتورت ەل قولا مەدالگە قول جەتكىزگەن.

وكىنىشكە قاراي قازاقستان قورجىنى ازىرگە بوس.

اۆتور: كۇنسۇلتان وتارباي