بۇدان بىلاي قازاقستان اۋماعىندا قانشا ەلدىڭ ۆاكسينا پاسپورتى جارامدى

نۇر-سۇلتان. قازاقپارات - ق ر باس سانيتار دارىگەرىنىڭ مىندەتىن اتقارۋشىنىڭ قازاقستان اۋماعىندا جارامدى شەتەلدىك ۆاكسينا پاسپورتتارىنىڭ ءتىزىمى بەلگىلەنگەن قاۋلىسى شىقتى، دەپ حابارلايدى قازاقپارات ءتىلشىسى.

قاۋلى ماتىنىندە ۆاكتسينا پاسپورتى مەن سەرتيفيكاتى قازاقستان اۋماعىندا جارامدى دەپ تانىلعان 35 مەملەكەتتىڭ اتى بار.

«وسى قاۋلىمەن بىرگە جاريالانعان قوسىمشا بويىنشا ارگەنتينا رەسپۋبليكاسىندا، بەليزدە، بوليۆيا مەملەكەتىندە، ۇلى بريتانيادا، ماجارستاندا، گرۋزيادا، يندونەزيا رەسپۋبليكاسىندا، يران يسلام رەسپۋبليكاسىندا، يوردانيادا، كانادادا، قىرعىز رەسپۋبليكاسىندا، مالديۆ رەسپۋبليكاسىندا، موڭعوليادا، ارمەنيا رەسپۋبليكاسىندا، بەلارۋس رەسپۋبليكاسىندا، مولدوۆا رەسپۋبليكاسىندا، پەرۋ رەسپۋبليكاسىندا، سان-مارينو رەسپۋبليكاسىندا، سەربيا رەسپۋبليكاسىندا، تۋنيس رەسپۋبليكاسىندا، ءۇندىستان رەسپۋبليكاسىندا، فيليپپين رەسپۋبليكاسىندا، تايلاندتا، تۇركيا رەسپۋبليكاسىندا، چەرنوگوريا رەسپۋبليكاسىندا، چەح رەسپۋبليكاسىندا، شري-لانكا دەموكراتيالىق سوتسياليستىك رەسپۋبليكاسىندا، ەكۆادور رەسپۋبليكاسىندا، ەستونيا رەسپۋبليكاسىندا جانە جاپونيادا بەرىلگەن كوروناۆيرۋس ينفەكتسياسىنا قارسى ۆاكسيناتسيا پاسپورتتارى/ سەرتيفيكاتتارى/انىقتامالارى قازاقستان رەسپۋبليكاسىنىڭ اۋماعىندا جارامدى دەپ تانىلسىن»، - دەپ جازىلعان قۇجاتتا.

قۇجاتتىڭ تولىق ءماتىنىن مىنا سىلتەمەدەن كورۋگە بولادى. بۇعان دەيىن ۆاكسينا پاسپورتى ءبىزدىڭ ەلدە جارامدى مەملەكەتتەردىڭ سانى 25 بولاتىن.