قازاقستاندا ءۇي جانۋارلارىن تىركەۋ مىندەتتى بولادى
بۇل تۋرالى ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ءاليا شالابەكوۆا ايتتى، دەپ حابارلايدى قازاقپارات.
«2023 -جىلدىڭ 1- قىركۇيەگىنەن باستاپ جانۋارلاردىڭ يەلەرى ءۇي جانۋارلارىن تىركەۋى كەرەك. ەسەپكە الۋدىڭ تولىق ءتارتىبى ءتيىستى ەرەجەلەردە ايقىندالاتىن بولادى. ەسەپكە الۋ يەلەردىڭ ەسەبىنەن جۇزەگە استى. ال حالىقتىڭ الەۋمەتتىك وسال توپتارىنا جاتاتىن ازاماتتارعا بۇل ءراسىمدى مەملەكەت تولەيدى. سونداي- اق، يتتەردىڭ يەسىز، جالعىز جۇرۋىنە زاڭمەن تىيىم سالىنادى»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن قاتار، نورماتيۆتىك- قۇقىقتىق اكتىلەردىڭ ءبىرقاتار جوباسى قاڭعىباس جانۋارلارمەن جۇمىس ىستەۋدى رەتتەۋگە باعىتتالعان. ماسەلەن: جانۋارلاردى اۋلاۋدىڭ، ۋاقىتشا ۇستاۋدىڭ جانە جانسىزداندىرۋدىڭ ۇلگىلىك قاعيدالارى؛ قاڭعىباس جانۋارلاردى ەگۋ جانە زارارسىزداندىرۋ ەرەجەلەرى جانە جانۋارلارعا ارنالعان ورتالىقتى ەسەپكە الۋ جانە قىزمەت ەتۋ ەرەجەلەرى.
«زاڭ كۇشىنە ەنگەن سوڭ، قازاقستاندا قاڭعىباس جانۋارلاردى اۋلاۋ پراكتيكاسى توقتاتىلادى، ال ولاردىڭ سانىن رەتتەۋ مەملەكەتتىك بيۋدجەت قاراجاتى ەسەبىنەن ستەريلدەۋ جولىمەن عانا جۇزەگە اسىرىلاتىن بولادى. بۇل رەتتە جانۋارلاردى اۋلاۋدىڭ ۇلگىلىك قاعيدالارىنىڭ جوباسى شەڭبەرىندە يەسى بار ەكەنىن بىلدىرەتىن بەلگىلەرى بار جانۋارلاردى ستەريلدەۋگە تىيىم سالۋ جوسپارلانۋدا»، - دەدى ءا. شالابەكوۆا.
ايتا كەتەيىك، «جانۋارلارعا جاۋاپكەرشىلىكپەن قاراۋ تۋرالى» زاڭ 2- ناۋرىزدان باستاپ ءوز كۇشىنە ەنەدى.
اۆتور: ايجان سەرىكجان قىزى
