قاسىم- جومارت توقايەۆ قازان كرەملىن ارالادى
مەملەكەت باسشىسىنىڭ تاتارستان رەسپۋبليكاسىنا ساپارى «قازان كرەملى» مەملەكەتتىك تاريحي- ارحيتەكتۋرالىق جانە كوركەم مۋزەي- قورىعىنا بارۋدان باستالدى. ونداعى كورىكتى جەرلەردى قاسىم- جومارت توقايەۆقا تاتارستان پرەزيدەنتى رۋستام ميننيحانوۆ تانىستىردى.
رۋستام ميننيحانوۆ يۋنەسكو- نىڭ بۇكىلالەمدىك مۇرالارىنىڭ تىزىمىنە ەنگەن وسى بىرەگەي تاريحي كەشەن تۋرالى اڭگىمەلەپ بەردى. قاسىم- جومارت توقايەۆ قازان كرەملى اۋماعىنداعى «قۇل شاريف» مەشىتى مەن بلاگوۆەشەنسكي سوبورىن ارالاپ كوردى. مەشىتتە تاتارستان رەسپۋبليكاسى مۇسىلماندارى ءدىني باسقارماسىنىڭ ءتوراعاسى كاميل ساميگۋللين قۇران وقىدى. بلاگوۆەشەنسكيي سوبورىندا قازاقستان پرەزيدەنتى قازان جانە تاتارستان ميتروپوليتى كيريللدى بيىل ەلوردادا وتەتىن الەمدىك جانە ءداستۇرلى دىندەر كوشباسشىلارىنىڭ سەزىنە قاتىسۋعا شاقىردى.
«قۇل شاريف» مەشىتى قازان حاندىعىنىڭ ايگىلى ەسكەرتكىشى - XVI عاسىردىڭ ەكىنشى جارتىسىنا دەيىن بۇزىلماي تۇرعان كونە سوبورلى مەشىتتى ەسكە الۋ ماقساتىمەن 2005 -جىلى تاتارستاننىڭ تۇڭعىش پرەزيدەنتى مينتيمەر شايمييەۆتىڭ جارلىعىنا سايكەس سالىنعان جانە ونىڭ اتاۋى يمام قۇل ءشاريفتىڭ قۇرمەتىنە قويىلعان. بلاگوۆەشەنسكي سوبورىنىڭ ىرگەتاسى 1552 -جىلى ورىس پاتشاسى IV يۆان گروزنىيدىڭ جارلىعىمەن قالانعان.
