تۇركيا تورىندە اقساقالدار كەڭەسى ءوز جۇمىسىن باستادى
اتا ءداستۇردى جانداندىرعان جاڭا ەرەجەگە ساي ءوتىپ جاتقان جيىنعا مۇشە مەملەكەتتەردىڭ اقساقالدارى قاتىسۋدا. القالى جيىن بارىسىندا تۇركى مەملەكەتتەرىنىڭ ىنتىماقتاستىعىن ودان ءارى نىعايتۋعا باعىتتالعان
«تۇركى الەمىنىڭ كەلەشەگى-2040» تۇجىرىمدامالىق قۇجاتىنىڭ ىسكە اسۋ بارىسى تالقىلانىپ، اعا بۋىن وزدەرىنىڭ اقىل- كەڭەسى مەن باعىت- باعدارىن بەردى. كەڭەستىڭ قازاقستان اتىنان مۇشەسى يكرام ادىربەكوۆ تۇركى ينۆەستيتسيالىق قورىنىڭ شتاب- پاتەرىن «استانا» حالىقارالىق قارجى ورتالىعىنىڭ الاڭىنا ورنالاستىرۋ تۋرالى پرەزيدەنت قاسىم- جومارت توقايەۆتىڭ ۇسىنىسىن قولداپ، تۇركىستان قالاسىندا «TURAN» ارنايى ەكونوميكالىق ايماعىن قۇرۋ تۋرالى ۇسىنىسىمەن تانىستىردى ءارى تاراپتاردى اتالعان جۇمىسقا بەلسەندى قاتىسۋعا شاقىردى.
يكرام ادىربەكوۆ، ت م ۇ اقساقالدار كەڭەسىنىڭ مۇشەسى:
- مەملەكەت باسشىلارىنىڭ شەشىمىمەن اقساقالدار كەڭەسى بۇگىنگى كۇنى جۇمىسىن جانداندىرىپ وتىر. ىستامبۇلدا كەڭەستىڭ 12 سەسسياسى وتۋدە. مۇنداعى نەگىزگى ماقسات - سامميتتە قابىلدانعان قۇجاتتاردىڭ ورىندالۋ بارىسى جانە جۇمىستارىمەن تانىسۋ. سول بويىنشا ۇسىنىستار ەنگىزۋ. سونىڭ ىشىندە تۇركىستاندى تۇركى دۇنيەسىنىڭ رۋحاني استاناسى رەتىندە دامىتۋ. تۇركى الەمىنە تانىستىرۋ. وسى باعىتتا ناتيجەلى جۇمىستار اتقارۋ.
