فرانسيادا سۋتەكپەن جۇزەتىن العاشقى جۇك كەمەسى شىعارىلماق

نۇر- سۇلتان. قازاقپارات- فرانسيادا سۋتەكپەن جۇزەتىن الەمدەگى العاشقى جۇك كەمەسىنىڭ كونتسەپتسياسى تانىستىرىلدى، دەپ حابارلايدى «حابار 24».

ونى Energy Observer كومپانياسى جاساپ شىققان. جوبا اۆتورلارىنىڭ ايتۋىنشا، سۋ كولىگىنىڭ ۇزىندىعى 120 مەتر، ال ەنى 22 مەترگە جەتەدى. جۇك كوتەرىمدىلىگى 240 كونتەينەر. كەمەدەگى 4 دىڭگەك پەن كۇن باتارەيالارىنىڭ ارقاسىندا ەنەرگيانى 40 پروتسەنتكە از جۇمسايدى ەكەن. جوسپار بويىنشا ول ءوزىنىڭ العاشقى ساپارىنا 2025 -جىلى اتتانادى دەپ كۇتىلۋدە.

ايتا كەتەيىك، اتالعان كومپانيا بۇعان دەيىن كوپشىلىك نازارىنا ەكولوگيالىق جاعىنان تازا سانالاتىن كەمەنىڭ شاعىن نۇسقاسىن تانىستىرعان ەدى. ءسويتىپ 2017 -جىلى ول جەر شارىن اينالا ءجۇزىپ شىققان بولاتىن.

www.24.kz