ابزال قۇسپان: قاڭتار وقيعاسىنا قاتىستى ازاماتتاردىڭ ۇستالۋىنا ساياسي باعا بەرۋ دۇرىس ەمەس
بۇل تۋرالى «امانات» كوميسسياسىنىڭ مۇشەسى ۋايس ەرسايىن ۇلى ءمالىم ەتتى، دەپ حابارلايدى قازاقپارات ءتىلشىسى.
«قازىر كوميسسيا جۇمىسى جالعاسىپ جاتىر. بىزگە بيلىك تاراپىنان جۇمىس ىستەۋگە مۇمكىندىك بەرىلدى. سوندىقتان ساياسي سۇراقتارعا ساياسي باعا بەرۋ دۇرىس ەمەس دەپ ەسەپتەيمىن. سەبەبى ءبىزدىڭ الدىمىزدا ءالى دە قىزمەتىمىزگە مۇقتاج جاندار بار. سول سەبەپتى مەنىڭشە، ءدال قازىر ساياسي باعا بەرۋدى دۇرىس ەمەس. ودان دا ناقتى وتىرعان ازاماتتارعا كومەك قولىن سوزىپ، ولارعا كومەكتەسكەن دۇرىس دەپ ەسەپتەيمىن»، - دەدى ابزال قۇسپان بريفينگ بارىسىندا ب ا ق وكىلدەرىنىڭ ساۋالىنا وراي.
وسى رەتتە كوميسسيا مۇشەسى ءمادي مىرزاعارايەۆ بالاسى، كۇيەۋى، اكەسى قاماۋدا وتىرعان جاندار قوعامنىڭ، ادۆوكاتتاردىڭ كومەگىنە ءزارۋ ەكەنىندىگىن باسا ايتتى.
«سوندىقتان بۇل جەردە «كىم كىنالى؟»، «كىمنىڭ قاتەسى؟»، «قاتەلىكتى كىم جىبەردى؟» دەپ داۋلاسىپ وتىرعاننان گورى ولارعا كومەك كورسەتكەن الدەقايدا پايدالى. داۋ-دامايعا تاريح جاۋاپ بەرەدى. وعان ەرتەڭ ساياسي باعا بەرىلەدى، حالىق باعا بەرەدى. ونىڭ ماسەلەسى شەشىلەدى. الايدا قازىر كەزەك كۇتتىرمەيتىن ماسەلە - قاماۋدا وتىرعان، جازىقسىز كەتىپ قالماسىن دەگەن جاستارعا كومەك كورسەتۋ»، - دەدى ول.
اۆتور: مارلان جيەمباي
