12:54, 11 - اقپان 2022 | GMT +5
قاماۋداعىلاردىڭ جارتىسىنا جۋىعىنىڭ ارتىنان ىزدەپ كەلەتىن ادامى دا جوق - زاڭگەر
نۇر-سۇلتان. قازاقپارات - قاماۋدا وتىرعان ادامداردىڭ جارتىسىنا جۋىعىنىڭ ادۆوكات جالداماق تۇگىلى ارتىنان ىزدەپ كەلەتىن ادامى دا جوق بۇل تۋرالى «امانات» كوميسسياسىنىڭ ءتوراعاسى ابزال قۇسپان ايتتى، دەپ حابارلايدى قازاقپارات ءتىلشىسى.

«قازاقستان بويىنشا 800-دەن استام قاماۋدا وتىر. ولاردىڭ بارلىعىندا ادۆوكات جالداۋعا مۇمكىندىگى بار دەپ ويلاساساڭىز قاتەلەسەسىز. جارتىسىنا جۋىعىنىڭ ادۆوكات جالداماق تۇگىلى ارتىنان ىزدەپ كەلەتىن ادامى دا جوق. ايتساق، ەڭبەگىمىزدى بۇلداعانداي كورىنەتىن شىعارمىز. ءبىراق، ءبىر ازاماتتارعا ايتىپ تاماق تا جەتكىزىپ بەرىپ جاتىرمىز. الماتىدا 68 ادامدى شىعارىپ الدىق. ءبىر كۇندە 10-15 ادام شىعىپ جاتتى. 10 ادام شىقسا، ۇشەۋىنىڭ ارتىنان كەلەتىن ادامى جوق. ولاردى ورنالاستىرۋمەن دە اينالىستىق»، - دەدى ابزال قۇسپان بريفينگ بارىسىندا ب ا ق وكىلدەرىنىڭ ساۋالىنا وراي.