اۋرۋحانادا جۇرگەندەيسىڭ. بەيجىڭ وليمپياداسى قالاي ءوتىپ جاتىر؟ - فوتو
توكيو مەن بەيجىڭدەگى شەكتەۋلەر ءبىر-بىرىنەن ەرەكشەلەنەدى. تۇرار قازانعاپوۆ پاندەميا كەزىندە ءوتىپ جاتقان وليمپيادا ويىندارىن كورسەتتى.
بەيجىڭگە كەلگەننەن كەيىن-اق، مۇندا ءبارى قاتاڭ بولاتىنىن ءتۇسىندىم. ۇشاققا قاراي مەديتسينالىق قورعانىش كيىمىن كيگەن ادام كەلە جاتتى.
اۋەجاي قىزمەتكەرلەرى اراقاشىقتىقتى ساقتاۋدى تالاپ ەتەدى. اۋرۋحانادا جۇرگەندەيسىڭ.
ءبارى بىردەن پ ت ر تاپسىرۋعا جىبەرىلدى.
اپپاق كيىنگەن ادامدار ءبىزدى ەرتىپ ءجۇردى.
ولار اۆتوبۋستاردا دا ءجۇر.
قوناقۇيدە دە.
ءتىپتى تاڭعى اس كەزىندە دە بىرگە جۇرەدى.
پ ت ر- سىناماسىن الۋ، قاتاڭ ساقتالادى. تەست تاياقشالار ميىڭا دەيىن جەتكەندەي سەزىم بولادى.
پاندەميا ءبىر جىلدان استام ۋاقىت بويى جالعاسىپ كەلە جاتقانىنا قاراماستان، بۇل جەردە ءالى دە ىڭعايسىز سەزىم بولادى. ويتكەنى ۇنەمى COVID- كە قارسى شارالاردى ساقتاۋ كەرەك.
ءبىر كەزدەرى ءتىپتى بەتپەردە تاقپاي قالعانىما قاتتى ۋايىمداپ، ونى ىزدەي باستاعانىمدا، بولمەدە جالعىز ەكەنىمدى تۇسىنگەنىم بولدى.
ءۇش كۇن وتكەن سوڭ مەن تاپسىرعان تەست وڭ ناتيجە شىعاردى جانە مەنى كارانتينگە ارنالعان بولمەگە اپاردى. تاڭعى اسقا، تۇسكى اسقا جانە كەشكى اسقا شىعۋ مۇمكىن ەمەس، ءبىراق تاماقتى بولمەگە الۋعا تاپسىرىس بەرۋگە بولادى، ول ءۇشىن ءمازىر اكەلەى.
تاڭعى اس تەگىن بولۋى كەرەك ەدى، ءبىراق ونى اكەلگەندە قاتتى تاڭعالدىم. ءمازىر قاراپايىم: ىستىق ەشتەڭە جوق، تەك سنيكەرس، نان، ەكى ماندارين، ءسۇتتى سۋسىن جانە شۇجىق (مەن شۇجىق جەگەن جوقپىن).
تۇسكى جانە كەشكى استى اقىلى الدىرتۋ قوناقتىڭ قالاۋى بويىنشا.
ءبىراق ءۇش كۇننەن كەيىن پ ت ر تەستى تەرىس ناتيجە كورسەتتى، كەيىن مەنى شىعاردى.
پەكيننەن ەكى ساعاتتىق جەردە، جاڭجياكوۋ پروۆينسياسى ماڭىندا شاڭعى بازاسىندامىز. مۇندا ءبارى قورشالعان، پوليتسەيلەر جولداردى جاۋىپ، كولىكتەردىڭ، جاياۋ جۇرگىنشىلەردىڭ وتۋىنە تىيىم سالىنعان.
ماسكانى شەشۋگە بولمايدى.
سۋرەت: تۇرار قازانعاپوۆ/olympic.kz
