ادىلبەك جاقسىبەكوۆ قىزمەتىنەن كەتەتىنىن مالىمدەدى

نۇر-سۇلتان. قازاقپارات - ادىلبەك جاقسىبەكوۆ قازاقستان فۋتبول فەدەراتسياسىنىڭ پرەزيدەنتى لاۋازىمىن سايلاۋداعى جاڭا مەرزىمگە قاتىسۋدان باس تارتتى، دەپ حابارلايدى قازاقپارات ءتىلشىسى.

وسى ورايدا ول ءوز ۇندەۋىن جاريالاپ، فەدەراتسيا لايىقتى پرەزيدەنتتى تاڭدايتىنىنا سەنىم ءبىلدىرىپ، بارلىق ۇمىتكەرگە ساتتىلىك تىلەدى.

اتالعان فەدەراتسيانىڭ مالىمەتىنە قاراعاندا، بيىل 10-اقپانىندا «قازاقستان فۋتبول فەدەراتسياسى» قاۋىمداستىعى» ز ت ب سايلاۋ كوميتەتىنىڭ جيىنى ءوتتى. وسى ورايدا كوميتەت ق ف ف پرەزيدەنتى سايلاۋىنا قاۋىمداستىق مۇشەلەرى ۇسىنعان ۇمىتكەرلەردىڭ قۇجاتتارىن قارادى. سايلاۋ 2022 -جىلدىڭ 28-اقپانىندا ق ف ف كونفەرەنسياسىندا وتەدى.

«ق ف ف پرەزيدەنتى جاقسىبەكوۆ ءا. ر. كانديداتۋراسى سايلاۋعا قاتىسۋدان باس تارتۋىنا بايلانىستى تىركەلمەدى»، - دەلىنگەن حابارلامادا.

جيىن قورىتىندىسى بويىنشا الداعى سايلاۋعا كەلەسى ۇمىتكەرلەر تىركەلدى:

- بارمەنقۇلوۆ ادىلەت نازارباي ۇلى – ق ف ف اتقارۋ كوميتەتىنىڭ مۇشەسى، «قازاقستان فۋتبول فەدەراتسياسى» قاۋىمداستىعى» ز ت ب پرەزيدەنتىنىڭ كەڭەسشىسى؛

- جارىلقاسىنوۆ ەرلان ەركىنبەك ۇلى - «قازاقستان اۋەسقوي فۋتبول ليگاسى» ق ب ءتوراعاسى؛

- قانيەۆ بەرىك سەرالى ۇلى - ق ف ف اتقارۋ كوميتەتىنىڭ مۇشەسى، «Lancaster Group Kazakhstan» اق ديرەكتورلار كەڭەسىنىڭ ءتوراعاسى؛

- لوريا داۆيد گريگوريەۆيچ - «نۇر-سۇلتان قالاسىنىڭ فۋتبول فەدەراتسياسى قاۋىمداستىعى» ز ت ب پرەزيدەنتى؛

- ورازبەكوۆ قايرات ايتمولدا ۇلى – ق ف ف اتقارۋ كوميتەتىنىڭ مۇشەسى، «قايرات» ا ف ك پرەزيدەنتى.