تايلاندتا قازاقستاندىق تۋريستى كولىك قاعىپ كەتتى - فوتو
ول اۋىر دەنە جاراقاتىن الدى. بۇل تۋرالى «Nur Otan» پارتياسى الماتى قالالىق فيليالىنىڭ باسپا ءسوز قىزمەتىنە ءمالىم ەتتى، دەپ حابارلايدى قازاقپارات ءتىلشىسى.
ۆەرونيكا بىچكوۆانىڭ اناسى لاريسا مەلنيكوۆا «Nur Otan» پارتياسىنىڭ المالى اۋداندىق فيليالىنىڭ قوعامدىق قابىلداۋ بولمىنە جۇگىندى.
ونىڭ ايتۋىنشا، كولىك اپاتىنىڭ سالدارىنان ونىڭ قىزى اۋىر دەنە جاراقاتىن العان، ال «Interteach» ساقتاندىرۋ كومپانياسى قولدانىستاعى حالىقارالىق ساقتاندىرۋ شارتى بويىنشا تالاپتاردى ورىنداۋدان باس تارتىپ، تۋريستكە ەشقانداي جاردەم كورسەتپەگەن. ال ءۇش كۇندىك ەمدەۋ مەن وپەراتسياعا ەمحانا 6 مىڭ دوللار شوت شىعاردى. قازاقستاندىق تۋريستكە سۇيەكتەردى قالپىنا كەلتىرۋ ءۇشىن 2 شۇعىل وپەراتسيا جاسالدى، تاعى ءۇش وپەراتسيا وتكىزۋ قاجەت.
الايدا اۋرۋحانادا مۇنداي وپەراتسيالاردى جۇرگىزۋ ءۇشىن ماماندار مەن ارنايى قۇرىلعىلار جوق. ۆەرونيكانى باسقا كلينيكاعا تاسىمالداۋ دا قيىندىق تۋعىزىپ وتىر.
الماتىدا «Nur Otan»-نىڭ قالالىق ءماسليحاتتاعى دەپۋتاتى زاۋرەش ومىربايەۆا مەن نۇروتاندىق، زاڭ كونسۋلتانتتارى پالاتاسىنىڭ مۇشەسى نۇرلان سلياموۆ ق ر س ءى م- گە ءتيىستى حات جولداپ، كومەك كورسەتۋگە كىرىستى. سونداي-اق، تۋريستتىڭ بارلىق قولجەتىمدى شارتتارى مەن مەديتسينالىق قۇجاتتارى زەرتتەلدى.
بۇگىنگى كۇنى پارتيانىڭ الماتى قالالىق فيليالى ساقتاندىرۋ تولەمدەرىن ءوندىرىپ الۋ بويىنشا جۇمىستى جالعاستىرۋدا. بارلىق ءىس-شارالار سەنىمحات پەن وتەۋسىز نەگىزدە جۇزەگە اسىرىلۋدا.
اۆتور: الما مۇقانوۆا
