قارجى پيراميداسى بويىنشا كۇدىككە ىلىنگەن ۆاينەر ءازىمجان سايدبايەۆقا ىزدەۋ جاريالاندى

الماتى. قازاقپارات- قارجى پيراميداسىن قۇردى دەگەن كۇدىككە ىلىنگەن ۆاينەر ازيمجان سايدبايەۆقا ىزدەۋ جاريالاندى.

بۇل تۋرالى الماتى پوليتسيا دەپارتامەنتى ءمالىم ەتتى، دەپ حابارلايدى قازاقپارات ءتىلشىسى. «قازاقستان رەسپۋبليكاسى ق ك- ءنىڭ 2-تارماعى 3-بولىگىنىڭ 217-بابىندا (قارجىلىق «ينۆەستيتسيالىق» پيراميدانى قۇرۋ جانە وعان باسشىلىق ەتۋ) كوزدەلگەن قىلمىستى جاسادى دەگەن كۇدىك بويىنشا ءبىز قىرعىزستان رەسپۋبليكاسىنىڭ تۋماسى، 30.09.1986 -جىلى تۋعان ازيمجان سايدبايەۆتى ىزدەستىرۋدەمىز. بۇلتارتپاۋ شاراسى: كۇزەتپەن ۇستاۋ»، - دەلىنگەن حابارلامادا.

پوليتسەيلەر ىزدەۋدە جۇرگەن ادام تۋرالى قانداي ءبىر مالىمەت بولسا 77017586760، 77086839433 جانە 87272544351 تەلەفوندارى ارقىلى حابارلاۋدى سۇرايدى. بۇعان دەيىن تانىمال ۆاينەرلەر مەيىرجان تورەبايەۆ، مەيىرحان شەرنيازوۆ قارجى پيراميداسىن قۇردى دەگەن كۇدىكپەن ۇستالعانى تۋرالى جازعان بولاتىنبىز.