10:31, 11 - اقپان 2022 | GMT +5
ەلوردالىق كاسىپكەردەن ءۇش ميلليون تەڭگە بوپسالاعان كۇدىكتىلەر ۇستالدى
نۇر-سۇلتان.قازاقپارات - ەلوردا پوليتسەيلەرى كاسىپكەردەن اقشا بوپسالاعان قىلمىستىق توپتى ۇستادى. جابىرلەنۋشى وتكەن جىلدىڭ قىركۇيەك ايىنان بەرى ءزابىر كورىپ كەلگەن.
كاسىپكەر بىرنەشە اي بويى بەلگىسىز ادامداردىڭ قوقان- لوققى كورسەتىپ، قارجى تالاپ ەتىپ جۇرگەندىگىن ايتىپ ارىزدانعان. كۇدىكتىلەر ارنايى وپەراتسيا كەزىندە قولعا ءتۇستى. قىلمىستىق توپ مۇشەلەرى كەزدەسۋگە كەلىپ، 300 مىڭ تەڭگەنى قولدارىنا الا بەرگەندە ۇستالدى. بۇل ىسكە قاتىسى بار ءۇشىنشى كۇدىكتى ورال قالاسىنان تابىلدى.
كاسىپكەر بىلتىرعى جىلدىڭ قىركۇيەك ايىنان بەرى ءجابىر كورگەن. وسى ۋاقىت ارالىعىندا كۇدىكتىلەر 3 ميلليون تەڭگەنى بوپسالاپ ۇلگەرىپتى.
www.24.kz
