قاسىم-جومارت توقايەۆتىڭ ماسكەۋگە جۇمىس ساپارىنا بەينەشولۋ جاريالاندى

نۇر- سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ ماسكەۋگە جۇمىس ساپارىنا بەينەشولۋ جاريالاندى، دەپ حابارلايدى قازاقپارات.

«مەملەكەت باسشىسى قاسىم- جومارت توقايەۆ رەسەيگە جۇمىس ساپارى بارىسىندا ۆلاديمير پۋتينمەن كەلىسسوز جۇرگىزدى. ەكىجاقتى قاتىناستاردىڭ پەرسپەكتيۆالارىن جانە ايماقتىق دەڭگەيدەگى ىقپالداستىقتىڭ وزەكتى ماسەلەلەرىن تالقىلادى. سونداي- اق قازاقستان مەن رەسەي پرەزيدەنتتەرى ب ا ق وكىلدەرى ءۇشىن بىرلەسكەن بريفينگ وتكىزدى. ال رەسەي ۇكىمەتىنىڭ توراعاسىمەن كەزدەسۋ بارىسىندا قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرىن قاراستىردى» دەپ جازدى مەملەكەت باسشىسىنىڭ باسپا ءسوز حاتشىسى بەرىك ءۋالي فەيسبۋكتەگى پاراقشاسىندا.

ايتا كەتەيىك، 10-11-اقپاندا ق ر پرەزيدەنتى قاسىم- جومارت توقايەۆ رەسەي فەدەراتسياسىندا جۇمىس ساپارىمەن بولدى.

ساپار اياسىندا مەملەكەت باسشىسى رەسەي فەدەراتسياسىنىڭ پرەزيدەنتى ۆلاديمير پۋتينمەن كەلىسسوز جۇرگىزدى. سونداي- اق، قاسىم- جومارت توقايەۆتىڭ رەسەيگە جۇمىس ساپارى اياسىندا ءبىرقاتار قۇجاتقا قول قويىلدى. ەكىجاقتى كەلىسسوزدىڭ قورىتىندىسى بويىنشا قاسىم- جومارت توقايەۆ پەن ۆلاديمير پۋتين بۇقارالىق اقپارات قۇرالدارىنىڭ وكىلدەرى ءۇشىن بىرلەسكەن مالىمدەمە جاسادى.