الماتىدا ءالى دە قارۋ- جاراق پەن وق- دارىلەر تابىلىپ جاتىر

الماتى. قازاقپارات - الماتىدا قاڭتار وقيعاسىنان كەيىن وق- دارىلەر مەن قارۋ- جاراقتار ءالى دە تابىلۋدا، دەپ حابارلايدى قازاقپارات ءتىلشىسى.

الماتى قالاسى پوليتسيا دەپارتامەنتىنىڭ مالىمەتىنشە، قالا تۇرعىندارى مەن پوليسيا قارۋ- جاراقتار مەن وق- دارىلەردى تابۋدى جالعاستىرۋدا.

«اسقاروۆ كوشەسىنىڭ بويىنان جەرگىلىكتى تۇرعىن ەكى جارىق شۋلى گراناتا تاۋىپ الدى. سايران كولىنىڭ ماڭىنان گاز- تراۆماتيكالىق تاپانشا تابىلدى. وق- دارىلەر تاركىلەنىپ، ساراپتاماعا جىبەرىلدى. وسىدان سوڭ گراناتالار مەن تاپانشانىڭ كىمگە تيەسىلى ەكەنى انىقتالاتىن بولادى»، - دەدى پوليتسيا دەپارتامەنتىنەن.

ەسكە سالساق، بۇعان دەيىن الماتى ماڭىندا شوپان قارۋ- جاراق پەن ارنايى وق- دارىلەر جاسىرىلعان جەردى تاۋىپ العان بولاتىن. سونداي- اق، قارۋ- جاراق ارسەنالى الماتىدا مەملەكەتتىك مۇراجايدىڭ جانىنان تابىلعان ەدى. بۇدان بولەك، الماتىدا ۇرلانعان مىلتىق پەن وق- دارىلەردىڭ قويماسى تابىلعانىن جازعانبىز.