توقايەۆ قازاقستان-رەسەي ارىپتەستىگى قاي باعىتتاردا تەرەڭ داميتىنىن اتادى

ماسكەۋ. قازاقپارات - قازاقستان-رەسەي ارىپتەستىگى ساياسي، ەكونوميكالىق، ينۆەستيتسيالىق جانە مادەني-گۋمانيتارلىق بايلانىستى تەرەڭدەتۋگە باعىتتالادى.
None
None

ق ر پرەزيدەنتى قاسىم-جومارت توقايەۆ رەسەيلىك ارىپتەسى ۆلاديمير پۋتينمەن وتكەن كەلىسسوزدەردەن كەيىنگى بىرلەسكەن مالىمدەمەسىندە وسىلاي دەپ ءمالىم ەتتى، دەپ حابارلايدى قازاقپارات ءتىلشىسى.

«جاڭا ايتقانىمداي، كەلىسسوزدەر مەملەكەتتەرىمىز اراسىنداعى ارىپتەستىكتىڭ بارلىق قىرلارىن قوزعادى. بايلانىس سالاسى بولسىن، ەكونوميكالىق سالادا دا، ينۆەستيتسيا سالاسىندا دا جانە ارينە نەگىزگى حالىقارالىق پروبلەمالارعا دەگەن كوزقاراستارىمىز تالقىلاندى. قازاقستان-رەسەي كۇن تارتىبىندەگى نەگىزگى تاقىرىپتاردى اشىق ءارى ءوزارا سەنىم تۇرعىسىنان تالقىلادىق. ەلدەرىمىزدىڭ اراسىنداعى جان-جاقتى بايلانىستاردىڭ تابىستى دامىپ جاتقانىنا كوڭىلىمىز تولاتىنىن اتاپ وتتىك. ءوزارا ءتيىمدى ارىپتەستىكتىڭ وراسان الەۋەتىن ەسكەرە وتىرىپ، ساياسي، ەكونوميكالىق، ينۆەستيتسيالىق جانە مادەني-گۋمانيتارلىق بايلانىستى تەرەڭدەتۋگە ەكى جاق تا تالپىناتىنىن راستادىق»، - دەدى قاسىم-جومارت توقايەۆ.

ايتا كەتەيىك، رەسەي فەدەراتسياسىنىڭ استاناسىندا ق ر پرەزيدەنتى قاسىم-جومارت توقايەۆ پەن ر ف پرەزيدەنتى ۆلاديمير پۋتين كەلىسسوز جۇرگىزدى.

مەملەكەت باسشىسىنىڭ رەسەيگە جۇمىس ساپارى اياسىندا ءبىرقاتار قۇجاتقا قول قويىلدى.

سوڭعى جاڭالىقتار