كانەلونىڭ گونورارى مەن گولوۆكينمەن جەكپە- جەك وتەتىن كۇنى اتالدى
اگەنتتىكتىڭ حابارلاۋىنشا، مەكسيكالىق 2022-جىلى DAZN اعىندى قىزمەتى بويىنشا قۇنى 85 ميلليون دوللاردان اساتىن ەكى جەكپە-جەك وتكىزۋگە كەلىسىم جاساپ جاتىر.
بۇل دەرەكتەرگە سۇيەنسەك، «كۇردەلى سحەما» دەپ اتايتىن «كانەلونىڭ» جوسپارى مىناداي:
• 7- مامىر - ساۋلدىڭ جارتىلاي اۋىر سالماققا اۋىسىپ WBA بەلبەۋىنىڭ يەگەرى دميتري بيۆولمەن جەكپە-جەك وتكىزۋى؛
• 17- قىركۇيەكتە الۆارەس بارلىعى ءوزى جوسپارلاعانداي بولسا، ول سۋپەر ورتا سالماققا ورالىپ، گەننادي گولوۆكينمەن ءۇشىنشى جەكپە-جەگىندە ءتورت بەلبەۋدى دە قورعايدى.
«دەرەككوزدەردىڭ حابارلاۋىنشا، مۇنداي پاكەتتىك جوسپار ءالى كەلىسىلىپ، قول قويىلعان جوق، ءبىراق كەلىسسوزدەر اياقتالۋعا جاقىن»، - دەلىنگەن حابارلامادا.
ايتا كەتەيىك، گەننادي گولوۆكين (41-1-1، 36 ك و) جانە مەكسيكالىق ساۋل «كانەلو» الۆارەس (57-1-2، 39 KO) وسى ۋاقىتقا دەيىن ەكى جەكپە-جەك وتكىزدى. اتالمىش كەزدەسۋدىڭ ءبىرى تەڭ، ءبىرى ساۋلدىڭ جەڭىسىمەن اياقتالدى.
