تەلەفون الاياقتارى ۇلتتىق بانكتىڭ اتىن جامىلىپ، ارەكەت ەتە باستادى
شىن مانىندە الاياقتار دەربەس دەرەكتەردى الۋ، كرەديت راسىمدەۋگە كوندىرۋ جانە دەربەس دەرەكتەردى جاريالاتۋ ارقىلى بانك شوتتارىنان اقشا جىمقىرۋ ماقساتىن كوزدەيدى. وسىعان بايلانىستى قازاقستان ۇلتتىق بانكى اقشا جىبەرۋ، دەربەس دەرەكتەردى بەرۋ، موبيلدىك قوسىمشالاردى ورناتۋ سەكىلدى وتىنىشتەردەن تۇراتىن، اسىرەسە جالعان كرەديتتەردى راسىمدەۋگە قاتىستى قوڭىراۋلاردى ەلەمەۋگە كەڭەس بەرەدى.
كوپ جاعدايدا تەلەفون ارقىلى ايتىلاتىن مۇنداي اڭگىمەلەر ۇيىمداسقان الاياقتىق توپتاردىڭ ارەكەتتەرىن كورسەتەدى.
قازاقستان ۇلتتىق بانكىنىڭ نەمەسە «ق ر بانكتەرى قاۋىمداستىعىنىڭ» اتىنان دەپ حابارلاسقان كۇدىكتى قوڭىراۋ نەمەسە حات العان جاعدايدا اڭگىمەنى ءۇزىپ، قۇقىق قورعاۋ ورگاندارىنا جۇگىنگەن ءجون.
ۇلتتىق بانكتىڭ اقپاراتتىق قاۋىپسىزدىك جونىندەگى ماماندارىنىڭ ۇسىنىمى ەشكىمگە ەشقانداي سىلتاۋمەن:
بانك كارتاسىنىڭ ءنومىرىن، قولدانىلۋ مەرزىمىن، ارتقى جاعىنداعى ءۇش تاڭبالى قۇپيا كودتى، بانكينگكە كىرۋ لوگيندەرى مەن پارولدەرىن، بانكتىڭ sms-كودتارىن، ءوزى جانە جاقىندارى تۋرالى جەكە اقپاراتتى بەرمەۋگە؛
ۇيالى قوسىمشالاردى ورناتپاۋعا جانە تەلەفونمەن سويلەسۋ بارىسىندا الىنعان نۇسقاۋلار بويىنشا قاراجات اۋدارماۋعا مىندەتتى.
«بانك قىزمەتكەرىنەن» مەسسەندجەرگە قوڭىراۋ كەلىپ تۇسكەن كەزدە اڭگىمەنى اياقتاپ، قارجى ۇيىمىنىڭ رەسمي call-center- نە قايتا قوڭىراۋ شالىڭىز.
ەگەر ولار سىزگە اقشا اۋدارۋ نەمەسە اۋدارۋ تۋرالى ۇسىنىسپەن قوڭىراۋ شالسا، رەسمي دەرەككوزدەن سۇراۋ ماقساتىن تەكسەرۋ كەرەك، سونداي-اق مۇنداي تولەم سىزگە تيەسىلى ەكەنىن تەكسەرۋ كەرەك.
بەلگىسىز نەمەسە كۇدىكتى سايتتاردا تەلەفون ءنومىرىن كورسەتپەڭىز جانە نەگىزگى كارتامەن تولەم جاساماڭىز.
ەستەرىڭىزگە سالا كەتەيىك، ۇلتتىق بانك جەكە تۇلعالارعا قىزمەت كورسەتۋمەن اينالىسپايدى جانە اقشالاي ەسەپ ايىرىسۋلاردى نەمەسە مامىلەلەردى جۇرگىزبەيدى.
كەڭەس الۋ ءۇشىن 1477 قىسقا ءنومىرى بويىنشا ۇلتتىق بانكتىڭ بايلانىس ورتالىعىنا حابارلاسۋعا بولادى.
