الماتى پوليتسياسى ءانشى باۋىرجان اشىعاليەۆكە ىزدەۋ جاريالادى

الماتى. قازاقپارات - الماتى پوليتسياسى باستىعىنىڭ ورىنباسارى رۋستام ابدراحمانوۆ Facebook-پاراقشاسىندا مۋزىكانت باۋىرجان اشىعاليەۆكە ىزدەۋ جاريالانعانىن جازدى، دەپ حابارلايدى قازاقپارات ءتىلشىسى.

«قازاقستان رەسپۋبليكاسى قىلمىستىق كودەكسىنىڭ 106-بابى 1-بولىگى بويىنشا قىلمىس جاسادى دەگەن كۇدىكپەن (دەنساۋلىققا قاساقانا اۋىر زيان كەلتىرۋ) 1986 -جىلى 18 - ناۋرىزدا تۋعان اشىعاليەۆ باۋىرجان جانىبەك ۇلىنا ىزدەۋ جاريالاندى. بۇلتارتپاۋ شاراسى: قاماۋعا الۋ»، - دەپ جازدى رۋستام ابدراحمانوۆ.

سونداي- اق ول اشىعاليەۆكە قاتىستى قانداي دا ءبىر مالىمەتكە يە ازاماتتاردان 2544351 (8727) تەلەفون نومىرلەرىنە حابارلاسۋدى سۇرادى.

ەسكە سالساق، 2019 -جىلى ءانشىنىڭ ايەلى كسەنيا اشىعاليەۆا كۇيەۋى ونى ولتىرمەك بولعانىن ايتقان بولاتىن.

اۆتور: دۋمان ارعىنگەلدى