روللان سەيسەنبايەۆ «الەمنىڭ التىن جازۋشىسى» اتاندى

نۇر- سۇلتان. قازاقپارات - قازاقستاندىق جازۋشى روللان سەيسەنبايەۆ الەمنىڭ التىن جازۋشىسى ديپلومىنا يە بولدى. بۇل جوعارى اتاق جەر شارىنىڭ وزىق ويلى، كورنەكتى جازۋشىلارىنا رۋحاني ەڭبەكتەرى مەن شىعارماشىلىق ۇمتىلىستارى ءۇشىن تاعايىندالادى.

ولاردىڭ كىتاپتارى ادامزات بالاسىنىڭ كەڭ تىنىستى، ەركىن ءومىرىنىڭ شارىقتاۋىنا جول اشۋىمەن قۇندى. بۇل سىيلىقتى Radius (رەيديوس) جانە Pegasus Brucke (پەگاساس برۋك) حالىقارالىق ونەر ورتالىقتارى مەن ون مەملەكەتتىڭ حالىقارالىق قوعامدىق ۇيىمدارى تاعايىنداعان.

نۇرجان ق ۇلىمجانوۆ، اعا وقىتۋشى:

- ول جازۋشى عانا ەمەس، ول - ۇلكەن گۋمانيست. اتادان مۇرا بولىپ قالعان رۋحاني قۇندىلىقتارىمىزدى بۇگىنگى جاس ۇرپاققا جەتكىزىپ كەلەدى. ونىڭ ەڭبەكتەرىندە كوشپەلى وركەنيەتتەن وتىرىقشى مادەنيەتكە اۋىسقان تۇستاعى قيىندىقتار سۋرەتتەلەدى. تابيعاتقا دەگەن كوزقاراس، ادامداردىڭ اراسىنداعى قارىم- قاتىناس بەينەلەنەدى.