15:10, 10 - اقپان 2022 | GMT +5
بەيجىڭ وليمپياداسىندا سپورتشى دوپينگ كۇدىگىنە ءىلىندى
نۇر-سۇلتان. قازاقپارات - بەيجىڭدە ءوتىپ جاتقان قىسقى وليمپيادا ويىندارىندا العاشقى وڭ دوپينگ-سىناما تابىلدى، دەپ حابارلايدى قازاقپارات Sports.kz سىلتەمە جاساپ.
حالىقارالىق دوپينگ تەستىلەۋ اگەنتتىگىنىڭ (ITA) مالىمەتىنشە، يراندىق تاۋ شاڭعىشى حۋسسەين ساۆەح-شەمشاكيدىڭ تەستى وڭ ناتيجە كورسەتكەن.
سپورتشىنىڭ دوپينگ سىناماسىنان دەگيدرومەتيل- تەستوستەرون مەتابوليتتەرى تابىلعان. 36 جاستاعى شاڭعىشى وليمپيادا ويىندارىنىڭ اشىلۋ سالتاناتىندا يران قۇراماسىنان تۋ ۇستاپ شىققان بولاتىن. قازىر ول جارىسقا قاتىسۋدان ۋاقىتشا شەتتەتىلدى.
ساۆەح-شەمشاكي تانىمال سپورتشىلاردىڭ ءبىرى. ول 2010 -جىلى ۆانكۋۆەردەگى جانە 2014 -جىلى سوچيدەگى وليمپيادا ويىندارىنا قاتىسقان.
اۆتور: اقبوپە ءابدراسۋل
