ا ق ش- تا شوت اشقاندار تۋرالى اقپارات الۋعا مۇمكىندىك جاسالادى – سەنات

نۇر- سۇلتان. قازاقپارات - پارلامەنت سەناتىنىڭ جالپى وتىرىسىندا «ق ر ۇكىمەتى مەن ا ق ش ۇكىمەتى اراسىنداعى حالىقارالىق سالىق ءتارتىبىن جەتىلدىرۋ تۋرالى كەلىسىمدى راتيفيكاتسيالاۋ تۋرالى» زاڭى قابىلداندى، دەپ حابارلايدى قازاقپارات ءتىلشىسى.

«زاڭعا سايكەس ا ق ش قارجى ۇيىمدارىمەن حالىقارالىق ىسكەرلىك وپەراتسيالار جۇرگىزەتىن بارلىق شەتەلدىك قارجى ۇيىمدارى ا ق ش سالىق تولەۋشىلەرىنىڭ شوتتارى تۋرالى اقپارات بەرۋگە مىندەتتى. زاڭ جوباسى قارجى ۇيىمدارىنىڭ، ونىڭ ىشىندە كرەديتتىك ۇيىمداردىڭ، ساقتاندىرۋ، بروكەرلىك جانە باسقا دا وسىعان ۇقساس كومپانيالاردىڭ قىزمەتتەرىن قامتيدى. وسى رەجيمگە قوسىلماعان جاعدايدا، ەگەر تولەمدى الۋشى ا قش - تا سالىق سالىناتىن تۇلعا بولسا جانە اۋدارىلعان قاراجات ا ق ش- تاعى ينۆەستيتسيالارمەن بايلانىستى تابىس بولسا، حالىقارالىق بانك اۋدارىمدارى سوماسىنىڭ %30 ى ۇستالۋى مۇمكىن. كەلىسىمگە قوسىلعان قارجى ينستيتۋتتارى قازاقستاندا شوت اشقان بارلىق امەريكاندىق جەكە جانە زاڭدى تۇلعالار تۋرالى اقپاراتتى انىقتاۋعا جانە اشۋعا مىندەتتى بولادى»، - دەدى ق ر ۇلتتىق ەكونوميكا ءبىرىنشى ۆيتسە- ءمينيسترى تيمۋر جاقسىلىقوۆ.

ونىڭ ايتۋىنشا، وسىعان ۇقساس، قازاقستاننىڭ كەلىسىمگە قوسىلۋى ا ق ش- تا شوت اشقان بارلىق قازاقستاندىق جەكە جانە زاڭدى تۇلعالار تۋرالى اقپارات الۋعا مۇمكىندىك بەرەدى. ياعني، اتالعان ماسەلە بويىنشا ەلدەر اراسىنداعى ءوزارا ءىس- قيمىل قازاقستاننىڭ بيۋدجەتىنە دە وڭ اسەرىن تيگىزەدى. كەلىسىمگە سايكەس، قازاقستان ورتالىقتاندىرىلعان اقپارات جيناۋدى كوزدەيتىن مودەلدى نەعۇرلىم وڭتايلى رەتىندە تاڭدادى، ويتكەنى وسى مودەلدى ىسكە اسىرۋ:

- قارجى جۇيەسىن باقىلاۋدى ساقتاۋعا؛

- ا ق ش- تان قازاقستاننىڭ رەزيدەنتتەرى جانە ازاماتتارى تۋرالى ءتيىستى اقپارات الۋعا؛

- قازاقستان قارجى ينستيتۋتتارىنىڭ اكىمشىلىك شىعىندارىن قىسقارتۋعا؛

- كەلىسىمنىڭ تالاپتارىمەن بايلانىستى قارجى سەكتورى ءۇشىن تاۋەكەلدەردى تومەندەتۋگە مۇمكىندىك بەرەدى.