ا ق ش- تا ماسكا تاعۋ ماسەلەسى داۋعا ۇلاستى

نۇر-سۇلتان.قازاقپارات - ا ق ش- تا ماسكا تاعۋ رەجيمىن جەڭىلدەتۋ شەشىمى داۋ تۋدىرا باستادى. جۋىردا قۇراما شتاتتىڭ بىرنەشە وڭىرىندە بالالارعا مەكتەپتەردە بەتپەردەسىز جۇرۋگە مۇمكىندىك بەرىلگەن ەدى.

ولاردىڭ قاتارىندا نيۋ- دجەرسي، دەلاۆەر، كاليفورنيا، ورەگونا مەن كوننەكتيكۋت شتاتتارى بار. جاقىندا بۇل تىزىمگە نيۋ- يورك تە قوسىلدى. وسىعان وراي قوعامنىڭ پىكىرى ەكىگە ءبولىندى. ءبىرى سانيتارلىق تالاپتار ساقتالسا ساباقتا ماسكاسىز جۇرۋگە بولادى دەسە، وزگەسى بۇل شەشىم ەپيدەميولوگيالىق احۋالدىڭ ۋشىعۋىنا اكەپ سوعادى دەپ دابىل قاعادى. بۇل پىكىردى ەلدىڭ اۋرۋلاردى باقىلاۋ جانە الدىن الۋ ورتالىعىنىڭ باسشىسى روشەل ۆالەنسكي مەن اق ءۇي وكىلدەرى قۇپتاپ وتىر. ولاردىڭ ايتۋىنشا، ۆيرۋستىڭ وميكرون تۇرىمەن ەرەسەكتەرمەن قاتار بالالار دا ءجيى اۋىرىپ جاتىر.

دجەن پساكي، اق ءۇيدىڭ باسپا ءسوز حاتشىسى:

- حالىقتىڭ پاندەميادان ابدەن شارشاعانىن بىلەمىز. ارينە، ۇنەمى بەتپەردەمەن ءجۇرۋ وڭاي ەمەس. الايدا ەلىمىزدە اۋرۋدى جۇقتىرۋ دەرەگىنە سۇيەنسەك، جابىق عيماراتتاردىڭ ىشىندە ماسكاسىز ءجۇرۋ مۇمكىن ەمەس ەكەنىن ءتۇسىنۋ كەرەك. سوندىقتان بۇل ماسەلەگە قاتىستى قانداي دا ءبىر جەڭىلدىكتەردى ەڭگىزۋ ءالى دە ەرتە. اسىرەسە، مەكتەپتەردەگى ەپيداحۋالدى ۋشىقتىرماعانىمىز ءجون.

www.24.kz