10:32, 10 - اقپان 2022 | GMT +5
بۇگىن ق ر پرەزيدەنتى رەسەيگە جۇمىس ساپارىمەن بارادى
نۇر- سۇلتان. قازاقپارات - 10-11-اقپاندا ق ر پرەزيدەنتى قاسىم- جومارت توقايەۆ رەسەي فەدەراتسياسىنا جۇمىس ساپارىمەن بارادى، دەپ حابارلايدى قازاقپارات.
بۇعان دەيىن حابارلانعانداي، قازاقستان پرەزيدەنتى قاسىم- جومارت توقايەۆ ۆلاديمير پۋتيننىڭ شاقىرۋىمەن رەسەي فەدەراتسياسىنا جۇمىس ساپارىمەن بارادى.
10-اقپاندا ماسكەۋدە قاسىم- جومارت توقايەۆ ۆلاديمير پۋتينمەن كەلىسسوز جۇرگىزەدى. كەزدەسۋ بارىسىندا مەملەكەتتەر باسشىلارى قازاقستان مەن رەسەي اراسىنداعى كوپجاقتى ستراتەگيالىق سەرىكتەستىكتىڭ دامۋ پەرسپەكتيۆالارىن قاراستىرادى.
11-اقپان كۇنى مەملەكەت باسشىسى قازان قالاسىندا تاتارستان پرەزيدەنتى رۋستام ميننيحانوۆپەن كەزدەسەدى جانە رەسپۋبليكاداعى ءبىرقاتار ءىرى ونەركاسىپتىك كاسىپورىنداردى ارالاپ كورەدى.
