قازاقستانعا شەتەلدىك جۇمىس كۇشىن تارتۋعا كۆوتا قىسقاردى
مەملەكەت باسشىسىنىڭ قاڭتار ايىندا بەرگەن تاپسىرماسىن ورىنداۋ ەلىمىزدە تاپشىلىعى سەزىلەتىن تار ماماندىق پەن بەيىندى مامانداردان باسقا كاسىپتەردىڭ بارلىق ساناتتارىنا قاتىستى.
«كۆوتانى ءبولۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2022 -جىلعى 18-قاڭتارداعى №17 بۇيرىعىنا وزگەرىس ەنگىزۋ تۋرالى» بۇيرىق اعىمداعى جىلعى 4-اقپاندا قابىلداندى، وعان سايكەس جەرگىلىكتى اتقارۋشى ورگاندار ءۇشىن رەسپۋبليكا اۋماعىندا ەڭبەك قىزمەتىن جۇزەگە اسىرۋ ءۇشىن شەتەلدىك جۇمىس كۇشىن تارتۋعا ارنالعان 2022 -جىلعا ارنالعان كۆوتا 28352 دەن 23560 بىرلىككە - 4792 بىرلىككە %16 قىسقارتىلدى.
ناتيجەسىندە 2022 -جىلى شەتەلدەن جۇمىس كۇشىن تارتۋعا كۆوتا مىناداي تۇردە 4 ساناتقا ءبولىندى: ءبىرىنشى سانات بويىنشا 1243 رۇقسات (باسشىلار جانە ولاردىڭ ورىنباسارلارى)، ەكىنشى سانات بويىنشا 6499 رۇقسات (قۇرىلىمدىق بولىمشەلەردىڭ باسشىلارى).
رۇقساتتاردىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە 11110 جانە 2396 بىرلىك. سونداي- اق ماۋسىمدىق جۇمىستارعا 2312 ادام تارتىلۋى مۇمكىن.
