پولشا ە و قورىنان بولىنەتىن ميلليونداعان قاراجاتىنان ايىرىلۋى مۇمكىن

نۇر- سۇلتان. قازاقپارات - ەۋروكوميسسيا پولشاعا سالىنعان ايىپپۇل سوماسىن ە و بەرىلەتىن قارجىلاندىر كوزىنەن ۇستاپ قالماق.

بريۋسسەل ۆارشاۆانى ەۋروپا سوتىنىڭ شەشىمىن ورىنداماعانى ءۇشىن وسىنداي جازا قولداناتىن جاريالادى. بۇل تۋرالى قازاقپارات euronews اقپارات اگەنتتىگىنە سىلتەمە جاساپ حابارلايدى.

چەحيانىڭ تالابى بويىنشا ول پولشانى ەكى ەلدىڭ شەكاراسىنان بىرنەشە شاقىرىم جەردە ورنالاسقان «تۋروۆ» كومىر كەنىشى كەلتىرىپ وتىرعان ەكولوگيالىق زارداپتارعا بايلانىستى جابىلمايىنشا، كۇن سايىن 500 مىڭ ەۋرو تولەۋگە مىندەتتەدى. كوميسسيا پولشا بيلىگىن ەۋرووداق قورىنان 15 ميلليون ەۋرونى شەگەرۋ پروتسەدۋراسى ون جۇمىس كۇنى ىشىندە باستالاتىنىن حابارلادى. ۆارشاۆا بۇعان جاۋاپ رەتىندە بۇل شەشىمگە نارازىلىق بىلدىرەتىنىن جانە تولەم جاسامايتىنىن ايتتى، ويتكەنى «بۇل ءۇشىن زاڭدى نەمەسە ناقتى نەگىز جوق».

دۇيسەنبىدە پولشا پرەزيدەنتى تاراپتار اراسىنداعى شيەلەنىستى شەشۋ ماقساتىندا كەلىسسوزدەر جۇرگىزۋ ءۇشىن بەلگيا استاناسىنا كەلدى. كەزىندە پولشا ەۋرووداقتىڭ تالابىن ورىندايتىنىن جانە جوعارعى سوتتىڭ تارتىپتىك پالاتاسىن تاراتاتىنىن قازىردىڭ وزىندە مالىمدەگەن. ونىڭ كەسىرىنەن ەۋروپالىق كوميسسيا پولشانى كۇنىنە ءبىر ميلليون ەۋرو كولەمىندە تاعى ءبىر ايىپپۇل تولەۋگە مىندەتتەدى. ءبىراق قازىر بريۋسسەل ۆارشاۆادان ەلدە ادىلەتتىلىكتىڭ نەگىزگى پرينتسيپتەرى ساقتالىپ وتىرعانىنىڭ باسقا دالەلدەرىن تالاپ ەتىپ وتىر.